By unusuma.lk on (LK time)
මහජන ආරක්ෂක නියෝජ්‍ය අමාත්‍ය නීතිඥ සුනිල් වටගල මහතා රූපවාහිනී වැඩසටහනකට එක්වෙමින් පැවසූවේ රාජ්‍ය බුද්ධි තොරතුරු අනුව හිටපු ජනාධිපති මහින්ද රාජපක්ෂ මහතාට ඩ්‍රෝන ප්‍රහාරයක් එල්ලවීම සම්බන්ධයෙන් තොරතුරු කිසිවක් අනාවරණය වී නොමැති බවයි.
එහිදී නියෝජ්‍ය අමාත්‍යවරයා වැඩිදුරටත් පෙන්වා දුන්නේ යම්කිසි අවධානමක් පවතීනම්, අදාළ ආරක්ෂක තත්ත්වයත් නැවත සමාලෝචනය කර අවශ්‍ය වෙනස්කම් සිදුකිරීමට හැකියාවද පවතින බවයි.
“මනෝජ් ගමගේ මහතා කියලා තිබුණා ඩ්‍රෝන ප්‍රහාරයකුත් තියෙනවා කියලා, දැන් පොලිස්පති සූදානම් ඔහුගෙන් ප්‍රශ්න කරන්න, ඩ්‍රෝන ප්‍රහාරයක් ආවත් මහින්ද මහත්තයා වටේ ඉන්න පිරිසත් මදි වෙනවා ඩ්‍රෝන ප්‍රහාරයට මුහුණ දෙන්න, ඒ තියෙන T56 හරියන්නේ නැහැ ඩ්‍රෝන ප්‍රහාරයට, ඒ නිසා මනෝජ් ගමගේලා යමක් කියනකොට සැලකිල්ලෙන් කියන්න. සමස්ත සමාජයක් තමයි නොමග යන්නේ.
අපේ බුද්ධි අංශ තොරතුරු අනුව ඩ්‍රෝන ප්‍රහාරයක් සම්බන්ධයෙන් තොරතුරු නැහැ, ඒක නිසා එයා කියන්න ඕනේ කොහෙන්ද එන්නේ කියලා, යම් තක්සේරුවක් ඇතුළේ තමයි තීරණ ගන්නේ, එසේ නොවේ යැයි කියනවා නම් අපි නැවත සලකා බලන්නම්, මම මහජන ආරක්ෂක නියෝජ්‍ය ඇමති, මමත් දැන් තනියම ආවේ.”
