By unusuma.lk on (LK time)
නිව්යෝර්ක් නගරයේ සිට ෆෝට් ලෝඩර්ඩේල් – හොලිවුඩ් ජාත්‍යන්තර ගුවන්තොටු පොළට ගොඩ බෑ ජෙබ්ලූ ගුවන් යානයක් තුළ තිබී පුද්ගල මළ සිරුරු දෙකක් සොයාගෙන ඇත.
ගුවන් යානයේ නඩත්තු පරීක්ෂාවකදී මෙම මළ සිරුරු සොයාගෙන ඇති අතර මියගිය දෙදෙනාම පිරිමි පුද්ගලයින් බවත් මළ සිරුරු සොයා ගන්නා විට ඒවා අධික ලෙස නරක් වී තිබුණු බවද බලධාරීහු සදහන් කරයි.
එම මියගිය දෙදෙනාගේ අනන්‍යතාව තහවුරු කරගෙන නොමැති අතර ඔවුන් ගුවන් යානයට ප්‍රවේශ වූ ආකාරය පිළිබඳ විමර්ශනයක් ආරම්භ කර ඇති බවද ගුවන් සමාගම සදහන් කරයි.
කෙසේ වෙතත් මෙම සිද්ධියට ගුවන් කාර්ය මණ්ඩලයේ හෝ ගුවන් යානයේ ක්‍රියාකාරීත්වයේ කිසිදු සම්බන්ධයක් නොමැති බව පෙනෙන නිසා එය විමර්ශනය නොකරන බව ජාතික ගමනාගමන ආරක්ෂණ මණ්ඩලය සදහන් කරයි.
