කුඩා වස්කඩුව ලිටිල්ටන්වත්ත ප්රදේශයේ පදිංචිව සිටි චමින්ද කුමාර නමැත්තා 2008 ඔක්තෝබර් මස (23) හෝ ඊට ආසන්න දිනක, වස්කඩුව ප්රදේශයේ පැවති අවමඟුල් නිවසකදී පිහියකින් ඇන ඝාතනය කිරීම සම්බන්ධයෙන් පුද්ගලයින් තිදෙනෙකු කළුතර උතුර පොලීසිය විසින් අත්අඩංගුවට ගෙන අධිකරණයට ඉදිරිපත් කළේය.
කළුතර මහේස්ත්රාත් අධිකරණයේ මූලික සාක්ෂි විභාග කිරීමෙන් පසු නීතිපතිවරයා විසින් මහාධිකරණය හමුවේ නඩු පැවරු අතර පසුගිය නඩු වාරයේදී පැමිණිල්ලේ සහ විත්තියේ දේශන ඉදිරිපත් කර තිබූ අතර තීන්දුව ප්රකාශයට පත්කිරීම අද (13) සිදු කළේය.
එම තීන්දුව ප්රකාශයට පත්කිරීමට පෙර මහාධිකරණ විනිසුරුවරයා විසින් මහාධිකරණ ශාලාවේ දොර ජනෙල් වසාදමා විදුලි පහන් නිවා අධිකරණ ශාලාව තුළ රැදී සිටී සියලු දෙනා අසුන්වලින් නැගිටවීමෙන් පසුව තීන්දුව ප්රකාශයට පත්කර ඇත.
ඒ අනුව වස්කඩුව මනුෂ්ය ඝාතන නඩුවේ තිදෙනෙකුට කළුතර මහාධිකරණ විනිසුරු තාමර තෙන්නකෝන් විසින් අද (13) දින මරණ දඬුවම නියම කර ඇත.
