රටේ මහත් ආන්දෝලනයට තුඩුදුන් අපරාධ සිද්ධීන් සම්බන්ධයෙන් වැඩබලන පොලිස්පති නීතිඥ ප්‍රියන්ත වීරසූරියගේ නියෝග මත අපරාධ පරීක්ෂණ දෙපාර්තමේන්තුව මේ වනවිට විමර්ශන ආරම්භ කර ඇත.
පොලිස් මූලස්ථානයේදී මහජන ආරක්ෂක අමාත්‍යාංශ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්නගේ ප්‍රධානත්වයෙන් දේශපාලන බලපෑම් මත යට ගැසූ එම අපරාධ සම්බන්ධයෙන් විශේෂ සාකච්ඡාවක් පවත්වා ඇත.
මරාගෙන මැරෙන පාස්කු ප්‍රහාරය සම්බන්ධයෙන් විමර්ශන කටයුතු අවසන් කර ඊට සම්බන්ධ සැකකරුවන් සියලුම දෙනා තරාතිරම නොබලා අත්අඩංගුවට ගන්නා ලෙස මෙහිදී අපරාධ පරීක්ෂණ දෙපාර්තමේන්තුව වෙත උපදෙස් ලබාදී ඇත.
තවද මහින්ද රාජපක්ෂ පාලන සමයේ මහත් ආන්දෝලනයට තුඩුදුන් ලසන්ත වික්‍රමතුංග, වසීම් තාජුඩීන් ඝාතන සිද්ධීන්, එක්නැලිගොඩ අතුරුදන් කිරීම සම්බන්ධව නතර වී තිබෙන විමර්ශන නැවත ආරම්භ කිරීමට උපදෙස් ලබාදී ඇත.
