By unusuma.lk on (LK time)
ආරක්ෂක අමාත්‍යාංශය කළ දැනුම්දීමට අනුව පුද්ගලයන් 42ක් තවමත් ගිනිඅවි භාරදී නොමැති බව කැබිනට් ප්‍රකාශක, අමාත්‍ය නලින්ද ජයතිස්ස සදහන් කරයි.
එම ගිනිඅවි භාර නොදුන් පුද්ගලයන් මේ වනවිට ජීවත්ව සිටිනවාද.? නැතහොත් ඔවුන් මෙරට තුළ ජීවත් වෙනවද.? යන්න පිළිබඳ සොයා බලමින් සිටින බවද අමාත්‍ය නලින්ද ජයතිස්ස සදහන් කරයි.
අමාත්‍ය නලින්ද ජයතිස්ස සදහන් කළේ,
“දැනට ගිනිඅවි භාර නොදී ඉන්නේ පුද්ගලයන් 42ක් පමණයි. මේ අය ජීවත් වෙනවද.?, මේ රටේ ජීවත් වෙනවද.? යන්න පිළිබඳ සොයා බලමින් ඉන්නවා. මේ අයට එරෙහිව නීති මගින් කටයුතු කරනවා ආයුධ භාර නොදීමට විරුද්ධව. වැඩිකල් යන්න කලින් මේ කටයුත්ත සිද්ධ වෙමින් පවතිනවා.”
අද (02) දින පස්වරුවේ පැවති අමාත්‍ය මණ්ඩල තීරණ දැනුම්දීමේ ප්‍රවෘත්ති සාකච්ඡාවට එක්වෙමින් අමාත්‍යවරයා මේ බව සදහන් කරයි.
