By unusuma.lk on (LK time)
ඉන්දීය අගමැති නරේන්ද්‍ර මෝදි ඉතාම ඉක්මනින් ශ්‍රී ලංකාවේ සංචාරයක යෙදෙනු ඇති බව ලංකාවේ ඉන්දීය තානාපති සන්තෝෂ් ජා සදහන් කරයි.
ලංකාවේ පිහිටි ඉන්දීය තානාපති කාර්යාලය නිල වශයෙන් මේ බව නිවේදනය කළ අතර රාජ්‍ය නායකයන්ගේ පහසුව අනුව කඩිනමින් මේ සංචාරයට දින යොදාගනු ඇති බවද තානාපති කාර්යාලය අවධාරණය කරයි.
ජනාධිපති අනුර කුමාර දිසානායකගේ දින දෙකක ඉන්දීය නිල සංචාරයේදී එරට අගමැතිවරයාට නිල ආරාධනයක් කර තිබිණ අතර එහෙත් ඊට මෙතෙක් ඉන්දීය රජය කිසිදු ප්‍රතිචාරයක් දක්වා තිබුණේ නැත.
අනුර කුමාර දිසානායක ජනාධිපතිවරයා ලෙස මුලින්ම නිල සංචාරයක් සඳහා තෝරාගෙන තිබුණේ ඉන්දියාව වන අතර පසුගිය 2015 වසරේදී සහ 2017 වසරේදී ඉන්දීය අගමැති මෝදි ලංකාවේ සංචාර දෙකකට සහභාගි විය.
