By unusuma.lk on (LK time)
අද (29) උදෑසන පාදුක්ක, වටරක ප්‍රදේශයේ නිවසක් තුළදී තියුණු ආයුධයකින් පහරදී කාන්තාවක් ඝාතනය කර තිබෙනවා.
මියගිය තැනැත්තිය කිසියම් කටයුත්තක් සඳහා නිවසේ ඉදිරිපස කාමරයට ගිය අවස්ථාවේදී සැඟවී සිටි අයෙකු ඇයට තියුණු ආයුධයකින් පහරදී පලාගොස් ඇති බව පොලීසිය පවසයි.
තියුණු ආයුධ ප්‍රහාරයෙන් බරපතළ තුවාල ලැබූ කාන්තාව පාදුක්ක දිසා රෝහලට ඇතුළත් කිරීමෙන් පසු තත්වය බරපතල වීම හේතුවෙන් වැඩිදුර ප්‍රතිකාර සඳහා හෝමාගම මූලික රෝහලට මාරුකර යවා ඇති අතර එහිදී ඇය මියගොස් තිබේ.
පාදුක්ක, වටරක ප්‍රදේශයේ පදිංචි 65 හැවිරිදි එක්දරු මවක් මෙලෙස ඝාතනය වී ඇත.
ඝාතනය සිදුකළ සැකකරු මෙතෙක් අත්අඩංගුවට ගෙන නොමැති අතර සිද්ධිය සම්බන්ධයෙන් මී ගොඩ පොලිසිය වැඩිදුර විමර්ශන සිදුකරයි.
