By unusuma.lk on
(LK time)මහනුවරදී ඊයේ (16) මාධ්ය හමුවේ අදහස් දක්වමින් ජාතික ජන බලවේගයේ විධායක සභික, හිටපු පාර්ලිමේන්තු මන්ත්රී වෛද්ය නලින්ද ජයතිස්ස විපක්ෂ නායකවරයාට දැනුම් දුන්නේ, විවාදය සඳහා මැයි 20 වැනිදාට පෙර දිනයක් නොදෙන්නේ නම් ඈත ගම්මල ප්රාථමික පාසල්වල කුඩා දරුවන් ඉදිරියට ගොස් විවාදය ගැන තවදුරටත් පුරසාරම් නොදොඩනා ලෙසයි.
සමඟි ජන බල වේගය නිහඬ පිළිවෙතක් අනුගමනය කරන්නේ සජිත් විවාදයට බය නිසාද නැත හොත් සජිත් විවාදයට එනවාට සජබ මන්ත්රීවරුන් බය නිසාද යන්න තේරුම් ගැනීමට නොහැකි බව ද ඔහු වැඩිදුරටත් පැවසීය.
ජාතික ජන බලවේගය විසින් පසුගිය අප්රේල් 25 දින කියා සිටියේ, මැයි 20ට පෙර ඕනෑම දිනයක අනුර කුමාර දිසානායක සජිත් සමඟ විවාදයට සූදානම් බව ලිඛිතව දැනුම් දුන් නමුත් විවාදය සඳහා තවත් දින 2ක් පමණක් ඉතිරිව තිබියදීත් ඔවුන්ගේ නිහඬ බවෙන් පෙනී යන්නේ සජබ විවාදය මඟහරිනා ආකාරය බවත්ය.
වැඩිදුරටත් අදහස් දක්වමින් වෛද්ය නලින්ද ජයතිස්ස කියා සිටියේ, සජබ ආර්ථික වැඩපිළිවෙළ සම්බන්ධව ඔවුන්ගේ සාමාජිකයන් අතරද පරස්පරතා තිබෙන බවත්, විදුලි බල මණ්ඩලය පෞද්ගලීකරණය කිරීමට ඉරාන් ලා පක්ෂ වෙද්දී තවත් අය විරුද්ධ වීමෙන් එය පෙනීයන බවත් ය.
ඉදිරියේදී එලඹෙන්නේ ජනාධිපතිවරනයක් හේතුවෙන් වඩා වැදගත් වන්නේ අපේක්ෂකයන් අතර විවාදයක් පැවැත්වීම බවත් විපක්ෂ නායකවරයා විවාදයෙන් පැන ගොස් පාසල් දරුවන් ඉදිරිපිට ආඩපාලි දොඩවන බවත් මන්ත්රීවරයා වැඩිදුරටත් කියා සිටියේය. .