By unusuma.lk on (LK time)
මුදල් අමාත්‍යාංශය නිවේදනයක් නිකුත් කරමින් පවසන්නේ වෙළඳ ශේෂය සාධාරණ අයුරින් කළමනා කරණය කිරීම සඳහා කඩිනමින් අමෙරිකානු පරිපාලනය සමඟ සම්බන්ධ වන අතර, වෙළඳාමට සහ ආයෝජනයන්ට අදාල බදු සහ බදු නොවන බාධා සැළකිය යුතු ලෙස අඩු කිරීමටත් සූදානම් බවයි.
එම නිවේදනය මගින් වැඩිදුරටත් පවසන්නේ ශ්‍රී ලංකාව 2023 මාර්තු මාසයේ සිට ජාත්‍යන්තර මූල්‍ය අරමුදලේ විස්තීරණ අරමුදල් පහසුකමක නිරතව සිටින අතර, වැඩ සටහනේ තුන්වන සමාලෝචනය සාර්ථකව නිම කර ඇති බවයි.
එමෙන්ම ශ්‍රී ලංකාවේ ආර්ථික ප්‍රකෘතියට සහය දැක්වීම සඳහා අමෙරිකා එක්සත් ජනපදය විසින් ලබා දෙන ස්ථාවර සහයෝගය, විශේෂයෙන් විදේශ ණය ප්‍රතිව්‍යුහගත කිරීමේ ප්‍රයත්නයන් සඳහා දක්වන සහයෝගය අගය කොට සලකන බවයි මුදල් අමාත්‍යංශය සිය නිවේදනය මගින් අවධාරනය කර ඇත.
