By unusuma.lk on (LK time)
අද (9) ජනාධිපති කාර්යාලයේදී අභියාචනාධිකරණය සඳහා නව විනිසුරුවරුන් දෙදෙනෙක් ලෙස නීතිඥ කේ. එම්. එස්. දිසානායක සහ නීතිඥ ආර්. පී. හෙට්ටිආරච්චි යන මහත්වරුන් ජනාධිපති අනුර කුමාර දිසානායක මහතා ඉදිරියේ දිවුරුම් දුන්හ.
ජනාධිපති ලේකම් ආචාර්ය නන්දික සනත් කුමානායක මහතාද මෙම අවස්ථාවට එක්ව සිටි අතර, නව විනිසුරුවරුන්ගේ පත්වීම් ආණ්ඩුක්‍රම ව්‍යවස්ථා සභාවේ අනුමැතිය ලැබීමෙන් අනතුරුව ප්‍රධානය කරන ලදි.
නව විනිසුරුවරුන් වන කේ. එම්. එස්. දිසානායක සහ ආර්. පී. හෙට්ටිආරච්චි යන මහත්වරුන් ජේෂ්ඨ මහාධිකරණ විනිසුරුවරුන් ලෙස සේවය කරමින් සිටි අතර, ඔවුන්ගේ පත්වීම් අභියාචනාධිකරණයේ කාර්යභාරය වෙනුවෙන් සැලකිය යුතු දායකත්වයක් ලබාදෙනු ඇත.
පත්වීම් ලබාදෙමින් ශ්‍රී ලංකාවේ අධිකරණ පද්ධතියේ කාර්යක්ෂමතාවය හා නීතියේ ආධිපත්‍යය තහවුරු කිරීමේ අවශ්‍යතාවය ජනාධිපතිවරයා අවධාරණය කළේය. එමෙන්ම, අධිකරණයේ ස්වාධීනත්වය හා නීතියේ ආධිපත්‍යය රැකගැනීමට රජයේ සහයෝගය ලබා දෙන බවද ජනපතිවරයා සහතික විය.
