By unusuma.lk on (LK time)
රට තුළ නීති විරෝධී මත්පැන් විශාල වශයෙන් ව්‍යාප්ත වී ඇති බවත්, එම හේතුවෙන් රජයේ සුරාබදු ආදායම 30% කින් පමණ අහිමිව ඇති බවත් නව සුරාබදු කොමසාරිස් යු. එල්. උදය කුමාර පෙරේරා මහතා පවයි.
ඔහු පවසන්නේ නීතිවිරෝධී මත්පැන් නැති කිරීම වැටලීම්වලින් පමණක් සිදුකළ නොහැකි බැවින් ඒ සඳහා යොමුවී සිටින මහජනතාවට විකල්ප යෝජනාවලියක් ගෙන ආ යුතු බවයි.
ඊට විකල්ප විසඳුමක් ලෙස මුදල් අමාත්‍යාංශය සමඟ සාකච්ඡා කර අඩු මුදලකට මිලදීගත හැකි මත්පැන් බෝතලයක් නිර්මාණය කිරීමට බලාපොරොත්තු වන බවත් එහි ප්‍රමිතිය රස පරීක්ෂක දෙපාර්තමේන්තුව හරහා පරීක්ෂා කර පසුව එහි අනුමැතිය ඔස්සේ වෙළඳපොළට නිකුත් කරන බවත් හෙතෙම පවසයි.
මෙය සුරාබදු දෙපාර්තමේන්තුවේ ආදායම වැඩි කරගැනීම හෝ මත්පැන් ප්‍රවර්ධනය කිරීමක් නොවන බවත් නීති විරෝධී මත්පැන්වලින් සමාජයේ ජීවත්වෙන අය ගලවා ගැනීමට සිදු කරන වැඩපිලිවෙලක් බවත් ඔහු වැඩිදුරටත් පවසයි.
පසුගිය දෙසැම්බර් 10 වෙනිදා ජනාධිපති අනුර කුමාර දිසානායක මහතා ගෙන ආ යෝජනාවකට අනුව යු. එල්. උදය කුමාර පෙරේරා මහතා නව සුරාබදු කොමසාරිස් ජනරාල් තනතුරට පත්කෙරිණි.
