By unusuma.lk on (LK time)
රටපුරා පිහිටි ලංකා සතොස අලෙවිසැල් ජාලය සහ COOPFED අලෙවිසැල් ජාලය මගින් අලුත් අවුරුදු සමයට රජයෙන් ලබාදෙන අත්‍යවශ්‍ය ආහාර ද්‍රව්‍ය ඇතුළත් සහන මල්ල හෙට (01) සිට ලබා ගත හැකියි.
මේ අනුව රුපියල් 5,000ක් වටිනා ආහාර ද්‍රව්‍ය ඇතුළත් ‘සහන මල්ල’ රුපියල් 2,500 ක මුදලකට මිලට ගැනීමටයි හැකියාව පවතින්නේ.
පසුගියදා රජය නිවේදනයක් නිකුත්කරමින් පැවසූවේ හෙට (01) සිට ලබන (13) දින දක්වා කාලය තුළ මෙම සහන පැකේජය ලබා ගැනීමට ජනතාවට හැකි බවයි.
ඒ සඳහා අස්වැසුම ප්‍රතිලාභ අපේක්ෂාවෙන් අලුතින් අයදුම්පත් ඉදිරිපත් කරනු ලැබ ඇති 812,753 ක් වන අයදුම්කරුවන් අතුරින් යෝග්‍ය ප්‍රතිලාභීන්ට අවස්ථාව ලැබේ.
