By unusuma.lk on (LK time)
පාකිස්තානයේ දස්කා නගරයේ මාස 7ක ගැබිණි කාන්තාවක් ඇයගේ නැන්දම්මා සහ නෑනා විසින් ඝාතනය කර මෘත දේහය කොටස් 25කට වෙන් කර ඇති බව පොලිසිය පවසයි.
පාකිස්තානයේ දස්කා නගරයේ 7 මාසයක ගැබිණි කාන්තාවක් ඇයගේ නැන්දම්මා සහ නෑනා විසින් ඝාතනය කර සිරුර කොටස් 25කට වෙන් කළ පුවතක් වාර්තා වේ.
කොට්ලි මාර්ලන් ගම්මානයේ 26 හැවිරිදි සෙහෙරා කදීර් නම් ගැබිණි කාන්තාව මෙම කෲර ඝාතනයට බිළිව ඇති බව පාකිස්තාන පොලිසිය පවසයි.
පොලිස් වාර්තා අනුව, මෙම ඝාතනය සම්බන්ධ මූලික විමර්ශන වලදී, නැන්දම්මා සහ නෑනා විසින් සෙහෙරාව ඝාතනය කර ඇති බව සනාථ වී තිබේ. මියගිය ඇයගේ අවුරුදු දෙකහමාරක පුතෙකුද සිටින බව වාර්තා වේ.
ඝාතනයෙන් පසු සිරුර කොටස් 25කට කපා, එම කොටස් බෑග්වලට දමා ඇති බවත්, සිරුර හඳුනා ගත නොහැකි ලෙස කඳින් හිස වෙන් කර තිබූ බවත් පොලිසිය සඳහන් කරයි.
සැකකරුවන් අත්අඩංගුවට ගෙන ඇති අතර, පුද්ගලික ආරවුලක් හේතුවෙන් මෙම ඝාතනය සිදු කළේ යැයි සැක කෙරේ. අත්අඩංගුවට ගත් සැකකරුවන් තම වරද පිළිගෙන ඇති බවටද පොලිසිය තොරතුරු වාර්තා කරයි.
දැනට පවතින තොරතුරු සනාථ වුවද, මෙම ඝාතනය සම්බන්ධයෙන් වැඩිදුර විමර්ශන සිදු කරන බව පාකිස්තාන පොලිසිය පවසයි.
