By unusuma.lk on (LK time)
2025 විසර්ජන පනත් කෙටුම්පතට අදාළ විවාදය (අයවැය විවාදය) පෙබරවාරි (18) සිට මාර්තු (21) දක්වා පැවැත්වීමට කථානායක වෛද්‍ය ජගත් වික්‍රමරත්නගේ ප්‍රධානත්වයෙන් (31) දින පාර්ලිමේන්තුවේදී පැවැති පාර්ලිමේන්තු කටයුතු පිළිබඳ කාරක සහා රැස්වීමේදී තීරණය කර ඇත.
2025 විසර්ජන පනත් කෙටුම්පත පළමුවර කියවීම සඳහා ජනවාරි (09) වැනිදා පාර්ලිමේන්තුවට ඉදිරිපත් කිරීමට මෙහිදී තීරණය වී ඇති බව පාර්ලිමේන්තුවේ මහලේකම් කුෂානි රෝහණදීර සදහන් කළාය.
2025 විසර්ජන පනත් කෙටුම්පත දෙවනවර කියවීම (අයවැය කථාව) පෙබරවාරි (17) වැනිදා සිදුකිරීමට නියමිත අතර දෙවැනිවර කියවීමේ විවාදය පෙබරවාරි (18) සිට (25) දක්වා දින 07 ක් පැවැත්වීමට නියමිතය.
අනතුරුව පෙබරවාරි (25) ප.ව 6.00 ට අයවැය දෙවැනිවර කියවීමේ ඡන්ද විමසීම පැවැත්වීමට නියමිත අතර කෙටුම්පතට අදාළ කාරක සභා අවස්ථාවේ විවාදය පෙබරවාරි (27) සිට මාර්තු (21) දක්වා සෙනසුරාදා දින 4ක්ද ඇතුළුව දින 19ක් පැවැත්වීමට නියමිතව ඇත.
අනතුරුව 2025 විසර්ජන පනත් කෙටුම්පත තෙවනවර කියවීමේ ඡන්ද විමසීම මාර්තු (21) වැනිදා ප.ව 6.00ට පැවැත්වීමටද මෙහිදී තීරණය කර ඇත.
