By unusuma.lk on (LK time)
පාස්කු ප්‍රහාරයට වසර හයක් සපිරෙන්නට පෙර මෙම ප්‍රහාරයට සම්බන්ධ මහ මොළකරුවන් කවුරුන්දැයි ප්‍රකාශ කිරීමට අපරාධ පරීක්ෂණ දෙපාර්තමේන්තුව සිදුකරන පරීක්ෂණ වේගවත් කර ඇති බව වාර්තා වේ.
කුඩා දරුවන් ඇතුළු පුද්ගලයින් 277 දෙනෙකුගේ ජීවිත බිලිගත් පාස්කු ප්‍රහාරයේ මහ මොළකරුවන් කවුද.? ඔවුන්ට ලබාදෙන දඬුවම කුමක්ද.? පාස්කු ප්‍රහාරය පිටුපස දේශපාලනයක් තිබුණේද.? දේශපාලනයක් තිබුණානම් එම දේශපාලඥයන් කවුද.?
ප්‍රහාරයේ වින්දිතයින්ට සාධාරණය ඉෂ්ඨ වී ඇද්ද.? ප්‍රහාරය පිළිබඳ කලින් බුද්ධි තොරතුරු ලැබී තිබියදීත් ප්‍රහාරය ප්‍රහාරය වළක්වා ගැනීමට පියවර නොගත් වගකිවයුත්තන්ට එරෙහිව නීතිය ක්‍රියාත්මක වේවිද යන්න රටේ ජනතාව ඉතා උනන්දුවෙන් බලා සිටියි.
ප්‍රහාරවලින් විදේශිකයන් 45 දෙනෙකු, පොලිස් නිලධාරීන් තිදෙනෙකු, සහ බෝම්බකරුවන් අටදෙනා ඇතුළුව පුද්ගලයින් 277 දෙනෙකු මරණයට පත්වු අතර තවත් 500කට අධික පිරිසක් තුවාල ලැබීය.
2019 වසරේදි රට පාලනය කළේ යහපාලන ආණ්ඩුව වන අතර එම ආණ්ඩුව යටතේ රටේ විධායක ජනපති මෛත්‍රිපාල සිරිසේන සහ අගමැති රනිල් වික්‍රමසිංහ වන අතර ආරක්ෂක රාජ්‍ය ඇමැති ලෙස කටයුතු කළේ රුවන් විජේවර්ධනය.
පාස්කු ඉරිදා දින කොච්චිකඩේ ශාන්ත අන්තෝනි දේවස්ථානය, මීගමුව ශාන්ත සෙබස්තියන් දේවස්ථානය, මඩකළපුව සියොන් දේවස්ථානය, ෂැංග්‍රිලා හෝටලය, කොළඹ සිනමන් ග්‍රෑන්ඩ් හෝටලය, ද කින්ස්බරි හෝටලය, ද ට්‍රොපිකල් ඉන් හෝටලය ආදි ස්ථානවල බෝම්බ පුපුරවා හැර තිබිණි.
කෙසේ වෙතත් ඉදිරි දින 19 ඉතා තීරණාත්මක වන අතර පාස්කු ප්‍රහාරය සම්බන්ධයෙන් ජනාධිපති අනුර කුමාර දිසානායක සදහන් කළේ,
“අප්‍රේල් (21) වැනිදාට පෙර පාස්කු ප්‍රහාරයට වගකිව යුතු සැලකිය යුතු පිරිසක් හෙළිදරව් කිරීමට බලාපොරොත්තු වෙනවා.
අප්‍රේල් මාසෙ (21) වැනිදාට කලින් නම් දැනෙන යමක් වෙයි. පරීක්ෂණ එහෙමයි යන්නේ. එනිසා අපි මොකක්ද කරමින් තිබෙන්නේ. මේ පරීක්ෂණ වේගවත් කරමින් තිබෙනවා.”
පාස්කු ප්‍රහාරයේ අලුත් විමර්ශනවල ප්‍රතිඵල ඉදිරි දිනවලදී එළියට පැමිණ අතුරුදන් නොවේවා යැයි ප්‍රර්ථනා කරන අතර අදටත් ආබාධිතයින් බවට පත්ව සිටින හා වින්දිතයින් බවට පත්ව සිටින කිතුනු ජනතාවට සාධාරණයක් ඉෂ්ට වේවි කියා අපි ප්‍රර්ථනා කරමු.
