By unusuma.lk on (LK time)
ඊයේ (26) මෙල්බන් හිදී ආරම්භ වූ ඔස්ට්‍රේලියාව සහ ඉන්දියාව අතර සිව්වැනි ටෙස්ට් තරගයේදී ඇතිවූ නොහොඹිනා සිද්ධියක් සම්බන්ධයෙන් ඉන්දීය ක්‍රීඩක විරාත් කෝලිට එරෙහිව දඩයක් පැනවීමට ජාත්‍යන්තර ක්‍රිකට් කවුන්සිලය කටයුතු කර ඇත.
සෑම් කොන්ටාස් (ඔස්ට්‍රේලියානු ආරම්භක පිතිකරු) ගේ උරහිසෙහි ගැටී ඔහු සමග ගැටුමක් ඇතිකර ගැනීම හේතුවෙන් කෝලිගේ තරග ගාස්තුවෙන් 20%ක් දඩයක් ලෙස අය කරගැනීමටත් ඔහුගේ විනය වාර්තාවට දඬුවම් ලකුණක් එකතු කිරීමටත් ජාත්‍යන්තර ක්‍රිකට් කවුන්සලයේ ක්‍රිකට් බලධාරීන් කටයුතු කර තිබේ.
මේ වනවිට සමාජ මාධ්‍යයේ ඉතා වේගයෙන් සංසරණයවන එම වීඩියෝ පටයේ දැක්වෙන්නේ, තරගයේ 10 වැනි පන්දු ඕවරය අවසානයේදී කෝලි කොන්ටාස් වෙත දිව ගොස් හිතා මතා මෙන් ඔහුගේ උරහිසේ ගැටෙන අයුරු යි.
කෙසේවෙතත් විරාට් කෝලේ මේ සම්බන්ධයෙන් අදහස් දක්වා නොමැත.
