කොළඹ 07, මහගමසේකර මාවතේ පිහිටි නිල නිවස හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර්. සම්පන්දන් මිය ගොස් මාස තුනකට ආසන්න කාලයක් ගත වී ඇතත් නිල නිවස තවමත් රජයට බාරදී නැති බව වාර්තා වේ.
මෙම නිල නිවස නැවත රජයට ලබා ගැනීමට නම් කැබිනට් අනුමැතියෙන් ලබාදුන් තීන්දුව වෙනස් කරමින් නව කැබිනට් තීන්දුවක් ගත යුතු බව රාජ්‍ය පරිපාලන ස්වදේශ කටයුතු අධිකරණ පළාත් සභා පළාත් පාලන, කම්කරු අමාත්‍යාංශ ආරංචි මාර්ග වාර්තා කරයි.
නිල නිවස නැවත රජයට ලබා ගැනීම සදහා අමාත්‍යාංශය එවකට හිටපු අග්‍රාමාත්‍ය දිනේෂ් ගුණවර්ධනට කැබිනට් පත්‍රිකාව බාර දුන්න ද ආණ්ඩුව වෙනස් වීමත් සමග කැබිනට් අනුමැතිය ලබා ගැනීම නතර වූ බවද වාර්තා වේ.
