“එකෙක් ඉතුරු කරන් නෑ” වසර 100ක් පේවී ලැබූ වරම කතාකරයි.!

අද (30) නුගේගොඩ ප්‍රදේශයේදී මාධ්‍ය වෙත අදහස් දක්වමින් ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍ය බිමල් රත්නායක මහතා පැවසූවේ රාජපක්ෂවරු ඇතුළු මේ රටේ ලොකු පොඩි සියලු හොරුන්ට එරෙහිව කටයුතු කරනා බවත් එකදු හොරෙකු හෝ ඉතුරු නොකරනා බවයි.

මේ වනවිට විපක්ෂයද ඇතුළුව සියළු හොරු එකතුවී ආරක්ෂා වීමට උත්සාහ කරන නමුත් වංචා දූෂණ හා සම්බන්ධ කිසිවෙකුට නීතියෙන් මිදීමට ඉඩ නොතබන බව අමාත්‍යවරයා අවධාරණය කළේය.

අමාත්‍යවරයා පැවසූවේ අඩුම තරමින් වසර 10ක් යනතුරු යෝෂිත රාජපක්ෂ විත්තිකරුවෙකු කර හෝ නොතිබුනු බවත් ක්‍රිෂ් ගණුදෙනුව ස්ම්බන්ධයෙන් නාමල් රාජපක්ෂට චෝදනා පත්‍රයක් හෝ ඉදිරිපත් කර නොතිබුනු බවත් ය.

සජිත් ප්‍රේමදාස, නාමල් රාජපක්ෂ, වීරවංශ ඇතුළු පිරිස් එකට එක් වී හොරු රකිනා අතරේ රේගු දෙපාර්තමේන්තුව විසින් නිවරදි ක්‍රමවේදය යටතේ සිදුකළ ක්‍රියාවලිය පිළිබඳ ආණ්ඩුවට අභූත චෝදනා නගනා බවත් අමාත්‍යවරයා සිහිපත් කළේය.

“මේ ජනවරම එක්ක සෙල්ලම් කරන්න එපා. මේක මිනිස්සු අව්රුදු 100ක් පෙරුම්පුරලා හදපු ආණ්ඩුවක්. මේ ජනවරමේ වටිනාකම අපි දන්නෙ නැත්තම් කව්ද දන්නේ. සජිත්ද?

මේ පට්ට හොරු රකින ගමන්, නාමල්ලා යෝෂිතලා ආරක්ෂා කරන්න කඩේ යනගමන්, කන්ටේනර් 323 ගැන චෝදනා කරනවා. අපි සජිත්ට කියනවා කෙලින් එන්න ගෝලයෝ දාල කියවන්නෙ නැතුව කෙලින් කියන්න”