By unusuma.lk on (LK time)
දේශප්‍රේමී ජාතික බලවේගය නියෝජනය කරන හෙළ කාන්තා බලය සංවිධානය පවසන්නේ ආණ්ඩුව ගෙන යන වැඩපිළිවෙළ තුළ සමරිසි අයිතිවාසිකම් ප්‍රවර්ධනය කිරීමේ වැඩසටහනක් ක්‍රියාත්මක වන බවයි.
එහි සාමාජිකා නීතීඥ මදුමාලි අල්විස් පවසන්නේ පාසල් පෙළපොත් හරහා එය ළමා මනසට කාවැද්දීමේ උත්සාහයක් පවතින බවට තොරතුරු ලැබී ඇති බවයි.
සමරිසි අයිතිවාසිකම් ප්‍රවර්ධනය කිරීම තුළ ළමයින්ට ස්ත්‍රී පුරුෂ ලෙස දෙවර්ගයක් සමාජයේ සිටින බවට හඳුනා ගැනීමට නොහැකි වන බව පවසන ඇය මෙය පිටුපස රාජ්‍ය නොවන සංවිධාන ඇති බවත් චෝදනා කරයි.
ළමයින්ව සමලිංගිකත්වයට පොළඹවා ගැනීම සඳහා විශාල වෛද්‍ය මාෆියාවක්ද ඇති බවත් සමරිසි අයිතිවාසිකම් ඉල්ලා සිටින පුද්ගලයින්ට සමාජයට බලපෑමක් නොවන ආකාරයෙන් මෙතෙක් කල් කටයුතු කළ ලෙස ඔවුන්ගේ අයිතිවාසිකම් පුද්ගලිකව භුක්තිවිඳීම සම්බන්ධයෙන් කිසිඳු විරෝධතාවක් නොමැති බවයි නීතීඥ මදුමාලි අල්විස් වැඩිදුරටත් ප්‍රකාශ කළේ.
