By unusuma.lk on (LK time)
එක් එක් දිස්ත්‍රික්ක සඳහා 2024 වසරේ පැවැත් වූ 05 ශ්‍රේණිය ශිෂ්‍යත්ව විභාගයේ කඩයිම් ලකුණු නිකුත් පහත පරිදි වෙයි.
By unusuma.lk on (LK time)
අද (23) මාධ්‍ය වෙත අදහස් දක්වමින් හිටපු පාර්ලිමේන්තු මන්ත්‍රී තිස්ස කුට්ටිආරච්චි පැවසූවේ සෑම ගමකම විසිරී සිටින කණ්ඩායම් එක් කරගැනීමේ වැඩපිළිවෙළ මේ වනවිට ශ්‍රී ලංකා පොදුජන පෙරමුණ ක්‍රියාත්මක කර ඇති බවත් ඉන් අනතුරුව පක්ෂ නායකයින් සන්ධානගතවීම සම්බන්ධයෙන් සාකච්ඡා කරනු ඇති බවත් ය.
හිටපු ජනපති මහින්ද රාජපක්ෂ මහතාගෙන් පළිගැනීමට කටයුතු කිරීම හරහා ඔහු අවසානයේ ජනාධිපති ධූරයට පත්වූ බවත් ඔහු නතර කරපු තැනින් ඉදිරියට රට ගෙන යාමට හැක්කේ නාමල් රාජපක්ෂට පමණක් බවත් ඔහු පැවසීය.
තිස්ස කුට්ටිආරච්චි මහතා වැඩිදුරටත් පවසා සිටියේ, නාමල් රාජපක්ෂ මන්ත්‍රීවරයාගෙන් පළිගැනීමේ අවසන් ප්‍රතිඵලය ඔහු අනිවාර්යෙන්ම විධායක ජනාධිපති බවට පත්වීම බවයි.
By unusuma.lk on (LK time)
නිල ඇඳුමින් සැරසී බීමතින් කිසියම් ස්ථානයක නිදා සිටින පොලිස් නිලධාරියෙක් තවත් පොලිස් නිළධාරීන් පිරිසක් පැමිණ ඔසවාගෙන යන වීඩියෝ පටයක් සමාජ මාධ්‍ය තුළ සංසරණය වෙමින් පවතී.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවසුවේ, මේ සම්බන්ධයෙන් පොලිස් විශේෂ විමර්ශන ඒකකය පරීක්ෂණයක් ආරම්භ කර ඇති බවත් එවැනි විෂමාචාර සම්බන්ධයෙන් වගකිව යුත්තන්ට එරෙහිව දැඩි විනය ක්‍රියාමාර්ග ගැනීමට බලාපොරොත්තු වන බවත් ය.
එහිදී අදහස් දැක්වූ පොලිස් මාධ්‍ය ප්‍රකාශක, ජ්‍යේෂ්ඨ පොලිස් අධිකාරී බුද්ධික මනතුංග මහතා,
“පොලිස් නිලධාරීන් කිහිපදෙනෙකු තම රාජකාරී කාලසීමාව අතරතුර පොලිස් සේවයට නොගැලපෙන ලෙස හැසිරී යම් ස්ථානයක නිදා සිටින අයුරු දැක්වෙන වීඩියෝවක් සමාජ මාධ්‍ය ඔස්සේ සංසරණය වෙනවා.”
“මේ පිළිබඳව පොලිස්පතිවරයාගේ දැඩි අවධානය යොමුවී තිබෙනවා. මෙම සිදුවීමට අදාළ පොලිස් කොට්ඨාසයේ ජ්‍යෙෂ්ඨ පොලිස් නිලධාරීන්ට පොලිස්පතිවරයා දැඩි අප්‍රසාදය ද පළ කළා.”
“එසේම මෙම සිදුවීම සම්බන්ධයෙන් පොලිස් විශේෂ විමර්ශන ඒකකය මගින් විමර්ශනයක් ආරම්භ කර තිබෙනවා. එම විමර්ශනයෙන් අනතුරුව මේ සඳහා වගකිවයුතු සියලුම නිලධාරීන්ට එරෙහිව දැඩි විනය පියවර ගැනීමට කටයුතු කරනවා.”
By unusuma.lk on (LK time)
කොරියාව ඇතුළු විවිධ රටවල් සඳහා රැකියා සඳහා පිටත් කර යවන බව කියමින් හිටපු ඇමැති මනූෂ නානායක්කාරගේ සහෝදරයා කර ඇතැයි කියන මූල්‍ය වංචාවන්ට හසු වූ හතළිහකට අධික පිරිසක් අපරාධ පරීක්ෂණ දෙපාර්තමේන්තුවට හා පොලිස් මූලස්ථානයට පැමිණ ඊයේ (22) පැමිණිලි ඉදිරිපත් කර ඇත.
මවුබිමට ඩොලර් රැගෙන ඒමට ගොස් අනාථ වූ අසරණයන්ගේ සංගමයේ සභාපති සරත් මුණසිංහ මහතා පවසන්නේ රට පුරාම මේ පුද්ගලයාගේ මූල්‍ය වංචාවට හසු වූ වින්දිතයන් 371ක් සිටින බවයි.
“විදේශ රැකියා සඳහා යවන බවට පවසා කෝටි 26ක් මහරගම විදේශ රැකියා ආයතනයක් මඟින් වංචා කර තිබෙනවා. මනූෂ නානායක්කාර හා ගෝල බාලයන් සේරම එකතු වෙලා තමයි මේ වංචාව කරලා තිබෙන්නේ. ඩොලර් ගේන්න රට යන්න සල්ලි ගෙවලා අද අපි මහ පාරට වැටිලා. දැන් වසර දෙකක් අපි හැමතැනටම පැමිණිලි කළත් තාම මේකට රතු වරෙන්තුවක්වත් දාලා නැහැ.
මනූෂ නානායක්කාර හිටපු ඇමැතිවරයාට දිගින් දිගටම කිවුවා මේ අපරාධකරුවෝ පැනලා යන්න කලින් අල්ලන්න කියලා සහ මෙයාලට විදේශ ගමන් තහනමක් දාලා හිර කරන්න කියලා. නමුත් ඒ විදිහට කළේ නැහැ. මේකට පැහැදිලිවම මනූෂ නානායක්කාර, ලේකම්වරු, විදේශ සේවා නියුක්ති කාර්යාංශයේ නිලධාරීන් සම්බන්ධයි.
මොවුන් ඩුබායි රාජ්‍යයට පැනලා ගිහින් කියලා අපට කිවුවා. එක් කෙනෙකුට ලක්ෂ 4 ගාණේ මිලියන 400ක් විදේශ සේවා නියුක්ති කාර්යාංශයේ විමර්ශන නිලධාරින් දෙදෙනකුට දීලා ගිහින්.
උද්ඝෝෂණ පහක් පමණ කළා. එහෙත් කිසිම සාධාරණයක් මේ වෙනකම් සිදු වුණේ නෑ. මේ ඉන්න හැමෝම දුප්පත් අසරණ මිනිස්සු. අපි ජනාධිපතිතුමාට කියන්නේ හොරු අල්ලලා සාධාරණය ඉටු කර දෙන්න කියලයි. අපි මේ ආවේ රජය අපහසුතාවට පත් කරන්න නොවෙයි. අපට මේ සල්ලි අරගෙන දෙන්න කියලා කියන්නයි.”
By unusuma.lk on (LK time)
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවැසූවේ ඇල්ල ඔඩිසි දුම්රියේ ඊ ටිකට්පත් 92 ක් වැඩි මුදලට අලෙවි කිරීම සදහා සන්තකයේ තබාගෙන සිටි ත්‍රිකුණාමලය දුම්රිය ස්ථානයේ තාක්ෂණික නිලධාරියකු ඇතුළු දෙදෙනකු පොලිසිය විසින් අත්අඩංගුවට ගෙන ඇති බවයි.
ත්‍රිකුණාමලය දුම්රිය ස්ථානයට අනුයුක්තව රාජකාරී කරනු ලබන තාක්ෂණික නිලධාරියෙකු මෙසේ අත්අඩංගුවට ගෙන ඇත.
ඔහුගෙන් සිදුකළ ප්‍රශ්න කිරීම්වලට අනුව මාතලේ ප්‍රදේශයේ පුද්ගලයකු ද අත්අඩංගුවට ගෙන ඇති බව මාධ්‍ය ප්‍රකාශකවරයා වැඩිදුරටත් පැවසීය.
By unusuma.lk on (LK time)
අධ්‍යාපණ අමාත්‍ය ආචාර්ය හරිනි අමරසූරිය මෙනවිය අද (23) පාර්ලිමේන්තුවේදී පැවසූවේ පාසල් දරැවන් ලක්ෂ හතකට මේ වසරේදී සපත්තු ලබාදීමට බලාපොරොත්තු වන බවයි.
ඇය වැඩිදුරටත් පැවසූවේ ළමුන් 250 ට අඩු පාසල්වල සියලුම දරුවන්ට සපත්තු ලබාදීමට අධ්‍යාපණ අමාත්‍යංශය තීරණය කර ඇති බවයි.
බදුල්ල දිස්ත්‍රික් මන්ත්‍රී රවීන්ද්‍ර බණ්ඩාර මහතා මතු කළ ප්‍රශ්නයකට පිළිතුරු දෙමින් අගමැතිනිය මේ බව පැවසීය.
ශිෂ්‍යත්ව විභාගයේ නඩු තීන්දුව හේතුවෙන් ප්‍රශ්න පත්‍ර බැලීම නතර කිරීමට සිදු වූ බවත් ඉතාම ඉක්මනින් ප්‍රතිඵල නිකුත් කිරීමට බලාපොරොත්තු වන බවත් ඇය වැඩිදුරටත් පැවසීය.
By unusuma.lk on (LK time)
ඊයේ (22) පාර්ලිමේන්තුවේදී සජබ මන්ත්‍රී චමින්ද විජේසිරි විසින් ආණ්ඩු පක්ෂයේ මන්ත්‍රීවරු විසින් පාර්ලිමේන්තුවේ කැන්ටිම ක්ලීන් කරනා බවත්, ප්‍රමාද වුවහොත් කෑමට ඉතිරිවන්නේ දංකුඩ පමණක් බවත් යැයි කියමින් සිදුකළ අපහාසාත්මක ප්‍රකාශය සම්බන්ධයෙන් ආන්ඩු පාර්ශවය විසින් තීරණයක් ගෙන තිබේ.
එම චෝදනාවට පිළිතුරු ලබාදෙමින් සභානායක අමාත්‍ය බිමල් රත්නායක මහතා පැවසූවේ පාර්ලිමේන්තුවේ ආහාර වේලක මිල වැඩි කිරීමට අදාළ යෝජනාව ළඟදීම කැබිනට් මණ්ඩලයට යොමු කර අනුමැතිය ලබා ගන්නා බවයි.
ඔහු කියා සිටියේ අදාළ යෝජනාවට අද (23) දිනයේ පාර්ලිමේන්තු ගෘහ කාරක සභාවේ අනුමැතිය ලැබෙනු ඇතැයි අපේක්‍ෂාවෙන් පසුවන බවයි.
ඒ අනුව පාර්ලිමේන්තු ආපන ශාලාවෙන් ලබාගන්නා සියළුම ආහාර පාන සඳහා ඊට අදාළ වෙළඳපොල මිල ප්‍රමාණයන් අයකිරීමට කටයුතු කරනා බවද ඒ අනුව ආහාර වේලක් සඳහා රුපියල් 2000-3000ක් අතර මිලක් අයවිය යුතු බවද අමාත්‍යවරයා වැඩිදුරටත් පැවසීය.
මේ වනවිට පාර්ලිමේන්තු ආහාර වේලක් සඳහා අයකරන මුදල රුපියල් 300ක් වන අතර එය 2022 වසරේ සිට ක්‍රියාත්මකයි.
By unusuma.lk on (LK time)
වත්මන් රජයේ අමාත්‍යවරුන්ගේ කාර්යයන් හා ප්‍රතිපත්ති සම්පාදන ක්‍රියාවලිය ශක්තිමත් කිරීම සඳහා පහසුකම් සැලසීම වෙනුවෙන් උපදෙස් මාලාවක් ඊයේ (22) නිකුත් කර තිබුණි.
එමගින් අමාත්‍යවරුන්ගේ සහ නියෝජ්‍ය අමාත්‍යවරුන්ගේ සහාය කාර්ය මණ්ඩලය සඳහා උපරිම සේවක සංඛ්‍යාවක් නියම කර ඇති අතර ඒ අනුව අමාත්‍යවරු සඳහා සහාය කාර්ය මණ්ඩලය 15 දෙනෙකුගේ සහ නියෝජ්‍ය අමාත්‍යවරුන් සඳහා එම පිරිස 12කට සීමා කර ඇත.
ජනාධිපති ලේකම් ආචාර්ය එන්.එස්.කුමානායක මහතා විසින් සියලු අමාත්‍යාංශ ලේකම්වරුන් වෙත ලිඛිතව දැනුම්දී ඇත්තේ එම කාර්යාල සේවා නියුක්තිය පහත උපරිම සංඛ්‍යාව නොඉක්මවිය යුතු බවයි.
එම උපදෙස් මාලාව හරහා අමාත්‍යාංශ සඳහා උපදේශකවරුන් පත් කරගැනීම, අමාත්‍යවරුන්ගේ සහ නියෝජ්‍ය අමාත්‍යවරුන්ගේ සහාය කාර්යය මණ්ඩලය පත්කරගැනීම සිදුකළ යුතු ආකාරය, අමාත්‍යවරුන්ගේ සහ නියෝජ්‍ය අමාත්‍යවරුන්ගේ පරිහරණය සඳහා වෙන් කරන නිල වාහන සංඛ්‍යාව, ඒවාට ලබාදෙන ඉන්ධන ප්‍රමාණය, අමාත්‍යවරුන්ට ලබාදෙන දුරකථන සම්බන්ධතා හා දුරකථන වියදම් පිළිබඳව ද ජනාධිපති ලේකම්වරයා විසින් දැනුම් දී ඇති බව වාර්තා වේ.
වත්මන් රජයේ ප්‍රතිපත්තිය වන පොහොසත් රටක් ලස්සන ජීවිතයක් ප්‍රතිපත්ති ප්‍රකාශයේ අඩංගු කරුණුවලට අනුව සියලු ක්ෂේත්‍ර තුළ සමානාත්මතාව සහ සමාජ සාධාරණත්වය තහවුරු කිරීම අරමුණු කරගනිමින් මෙම උපදෙස් මාලාව නිකුත් කර තිබේ.
By unusuma.lk on (LK time)
කොළඹ අපරාධ කොට්ඨාසය පවසන්නේ එල් ටි ටි ඊ සාමාජිකයන් සමඟ සම්බන්ධතා පවත්වමින් ගිණි අවි ජාවාරම් කරන ලදැයි යන චෝදනාව මත රැඳවුම් නියෝග මත ප්‍රශ්න කරන සිවිල් ආරක්ෂක නියාමකවරයාගෙන් අනාවරණය වූ තොරතුරු අනුව තවත් ගිනි අවියක් හා ජීව උණ්ඩ තොගයක් සොයා ගැනීමට හැකිවූ බවයි.
මෙලෙස සොයාගෙන ඇත්තේ, ටි 56 ජීව උණ්ඩ 220 ක්, GPMG වර්ගේ ගිණි අවි සඳහා යොදන ජීව උණ්ඩ 01ක්, ගුවන් යානා නාශක අධි සඳහා යොදන ජීව උණ්ඩ 01 ක් හා මෙරට නිෂ්පාදිත බෝර 12 වර්ගයේ ගිනි අවියකි.
සැකකරු සේවය කර ඇත්තේ, පොළොන්නරුව කඳවුරට අනුයුක්ත වැලිකන්ද පොලිස් ස්ථානයේ බව සඳහන් වේ.
සැකකරු අනාවරණය කළ තොරතුරු අනුව ඔහු පදිංචි වැලිකන්ද, රුහුණු කෙත නිවස ආසන්නයේ සුභ සාධක සමිතියට අයත් අත්හැර දැමූ ගොඩනැගිල්ලක් තුළ සඟවා තිබියදී මෙම ගිනි අවිය සහ ජීව උණ්ඩ තොගය සොයා ගැනීමට හැකි වී ඇත.
By unusuma.lk on (LK time)
මහනුවර කොට්ඨාස අපරාධ විමර්ශන කාර්යංශයේ නිලධාරීන්ට ලද තොරතුරක් මත ඊයේ (22) සවස මහනුවර සුදුහුම්පොල ප්‍රදේශයේදී සිදුකළ වැටලීමකදී විදේශිකයින්ට අධික මිලකට දුම්රිය ප්‍රවේශ පත්‍ර විකිණීමේ ජාවාරමක යෙදුන සැකකරුවෙකු අත්අඩංගුවට ගෙන තිබේ.
වයස අවුරුදු 37ක් වන සැකකරු සුදුහුම්පොල, මහනුවර ප්‍රදේශයේ පදිංචිකරුවෙක් බව පැවසේ.
අත්අඩංගුවට පත් අවස්තාවේ සැකකරු සතුව තිබී ඔඩිසි දුම්රිය සඳහා ඔන්ලයින් ක්‍රමයට ලබා ගන්නා ලද දුම්රිය ටිකට්පත් 21ක්, එම දුම්රිය ටිකට්පත් අලෙවි කිරීමේ ජාවාරමෙන් උපයාගත් බවට සැකකරන මුදල් රුපියල් 130,670ක මුදලක්, මීට පෙර දුම්රිය ටිකටිපත් විකිණිමේ තොරතුරු සටහන් කර ගන්නා ලද සටහන් පත් 130ක් හා ජංගම දුරකථනයක් පොලිස් භාරයට ගෙන ඇත.
අපරාධ පරීක්ෂණ දෙපාර්තමේන්තුව වැඩිදුර විමර්ශන සිදුකරයි.
