Attention (Sinhala)

කිරි දරුවන්ගේ දත් එද්දීම දිරායෑම පටන් ගන්නා රෝගයක් හඳුනාගෙන ඇතැයි දන්ත වෛද්‍යවරු අනතුරු අඟවයි.

උපතේදී මෙන්ම නිතර ප්‍රතිජීවක ඖෂධ ලබාදීම නිසා ඇතිවන ගැටලු හේතුවෙන් ඇරඹෙන දත් දිරායෑමේ රෝගය චාර්වක හා කෘන්තක දත් වලට කැල්සියම් කැන්පත් වීම අඩුවීමේ රෝගය (MIH) ලෙසින් හඳුන්වන බව පේරාදෙණිය විශ්ව විද්‍යාලයේ දන්ත ශික්ෂණ වෛද්‍ය පීඨයේ මහාචාර්ය, ළමා දන්ත රෝග පිළිබඳ විශේෂඥ වෛද්‍ය චන්ද්‍රා ගොඩමුන්නේ හේරත් සදහන් කළාය.

වයස අවුරුදු හයේදී හක්කේ පළමු චාර්වක දත් හතර මතුවන බවත් මේ ගැන මවුපියන් නොදන්නා මුත් ඒවා ස්ථිර දත් වන බවත් උපතින්ම ඇරඹෙන මෙම රෝග යට ගොදුරු වන ළමයින්ගේ දත් දිරායෑම හේතුවෙන් අඩු වයසෙන් දත් ගලවා දැමීමට පවා සිදුවිය හැකි බවද විශේෂඥ වෛද්‍ය චන්ද්‍රා ගොඩමුන්නේ හේරත් අනාවරණය කළාය.

මෙම MIH රෝගයට මුළු ලෝකයේම කුඩා දරුවන් 13.17%ක් පමණ ගොදුරුව ඇති බව හඳුනාගෙන තිබෙන බවත් අපේ රටේ පසුගිය වසර කිහිපය වන විට 10 – 11% ළමයින් මෙම රෝගයෙන් පෙළෙන බව හඳුනාගෙන ඇති බවත් එම තත්ත්වය ක්‍රමයෙන් වැඩි වෙමින් පවතින බවද විශේෂඥ වෛද්‍ය චන්ද්‍රා ගොඩමුන්නේ හේරත් සදහන් කළාය.

මේ සදහා විසඳුමක් ලෙසට කුඩා දරුවාගේ පළමු දත මතු වූ දා පටන් ළමා දන්තාලේප භාවිත නොකර ෆ්ලෝරයිඩ් අඩංගු වැඩිහිටියන් භාවිත කරන දන්තාලේපයකින් උදය සවස දරුවන්ගේ දත් මැදිය යුතු බවද විශේෂඥ වෛද්‍ය චන්ද්‍රා ගොඩමුන්නේ හේරත් සදහන් කළාය.

දත්වල පැහැයේ සුදු හෝ දුඹුරු පාට පෙනේ නම් නොපමාව දන්ත රෝග වෛද්‍යවරයකුට පෙන්වා උපදෙස් ගත යුතු බවත් මෙසේ සැලකිලිමත් වීමෙන් ඉතා අඩු වයසේදී විශේෂයෙන් හක්කේ පිහිටන ස්ථිර දත් ගලවා දැමීමට සිදුවන ව්‍යාසනයෙන් දරුවන් බේරා ගත හැකි බවද විශේෂඥ වෛද්‍ය චන්ද්‍රා ගොඩමුන්නේ හේරත් සදහන් කළාය.

හිටපු පාර්ලිමේන්තු මන්ත්‍රී නීතිඥ ප්‍රේම්නාත් සී. දොලවත්ත මහතා අද විශේෂ මාධ්‍ය සාකච්ඡාවක් කැඳවමින් ප්‍රකාශ කර සිටියේ දියගම මහින්ද රාජපක්ෂ ක්‍රීඩාංගනයෙන් මහින්ද රාජපක්ෂ නාමය ඉවත්කිරීම සම්බන්ධයෙන් රජය ගෙන ඇති පියවර සම්බන්ධයෙන් සිය අප්‍රසාදය පල කරනා බවයි.

වසර ගණනාවක් පුරා රටේ සම්පත් විනාශය කළ, මනුෂ්‍ය ඝාතණ සිදුකළ කණ්ඩායමක් නැවතත් රටේ බලයට පත්ව පසුගිය රජයන් විසින් සිදුකළ සංවර්ධන ව්‍යාපෘති විනාශ කරමින් සිටිනා බව ඔහු පවසයි.

පසුගියදා වත්මන් ක්‍රීඩා අමාත්‍ය සුනිල් කුමාර ගමගේ මහතා විසින් දියගම මහින්ද රාජපක්ෂ ක්‍රීඩාංගනයේ නම ඉදිරියේදී වෙනස් කිරීමට කටයුතු කරන බවට සිදුකළ ප්‍රකාශයක් සම්බන්ධයෙන් පිළිතුරු දෙමින් ප්‍රේම්නාත් සී. දොලවත්ත මහතා මේ බව පැවසීය.

ක්‍රීඩා අමාත්‍යවරයා එහිදී පවසා තිබුනේ දියගම මහින්ද රාජපක්ෂ ක්‍රීඩාංගනයේ ඉදිරි සංවර්ධන කටයුතු සඳහා පෞද්ගලික අංශයේ ආයෝජකයින් හා එක්ව කටයුතු කිරීමට බලාපොරොත්තු වන නමුත් මහින්ද රාජපක්ෂ නමින් ක්‍රීඩා සංකීර්ණ පවත්වාගෙන යාමට කිසිදු ආයෝජකයෙකු මුදල් ආයෝජන නොකරන බවත් එබැවින් එම නම ඉවත් කිරීමටද ඉදිරියේ කටයුතු කරන බවයි.