Attention (Sinhala)

රජය විසින් පෞද්ගලික අංශයට ලබාදුන් හාල් ආනයන අවසරයට මුවා වී අඩු තීරු ගාස්තු යටතේ හාල් ගෙන්වා වැඩි මිලට අලෙවි කිරීම පිළිබඳ පරීක්ෂණයන් ආරම්භ කර ඇති බව කෘෂිකර්ම නියෝජ්‍ය ඇමැති නාමල් කරුණාරත්න සදහන් කරයි.

හාල් ආනයන ජාවාරමක් පිළිබඳව රේගුව මගින් හෙළි කර ගැනීමත් සමග මෙම පරීක්ෂණය කිරීමට පියවර ගත් බවද කෘෂිකර්ම නියෝජ්‍ය ඇමැති නාමල් කරුණාරත්න සදහන් කරයි.

බාස්මතී හාල්වලට සමාන ආනයනය කරන ලද දිගටි හාල් වර්ගයක් බාස්මතී බව හඟවමින් පාරිභෝගිකයා නොමඟ යවමින් වැඩි මිලකට වෙළෙඳපොළේ අලෙවි කෙරෙන ජාවාරමක් පිළිබඳව රේගුව මගින් හෙළිදරව් කරගෙන ඇතැයි ද ඇමැතිවරයා සදහන් කරයි.

මෙම ජාවාරම දීර්ඝ කාලයක සිට ක්‍රියාත්මක වන බවට රේගුවට තොරතුරු ලැබීමත් සමඟ පසුගියදා රජයෙන් ලබාදුන් හාල් ආනයන අවසරය යටතේ අඩු තීරු බදු යටතේ මෙම ව්‍යාජ බාස්මතී හාල් ගෙන්වා ඇතැයි ද රේගුවෙන් අනාවරණය කරගෙන ඇත.

බාස්මතී හාල්වලට සමාන දිගටි හාල් වර්ගයක් ගෙන්වා බාස්මතී නමින් අලෙවි කරන බවට ලද තොරතුරු මත පාරිභෝගික අධිකාරිය ද විමර්ශනයක් කිරීමට සැරසෙන අතර මෙම පරීක්ෂණය සදහා හාල් සාම්පල් බතලගොඩ හාල් සහ වී පර්යේෂණාගාරය වෙත යවා ඇතැයි ද අනාවරණය වේ.

වැඩබලන පොලිස්පති ප්‍රියන්ත වීරසූරියගේ ප්‍රධානත්වයෙන් ඊයේ (11) පොලිස් මූලස්ථානයේ පැවති උත්සවයකදී රුපියල් මිලියන 91 කට වැඩි වටිනාකමකින් යුත් තත්ත්වයෙන් උසස් වේග මාපක උපකරණ තොගයක් පොලිස් ස්ථාන වෙත බෙදාදීම සිදුවිය.

අමෙරිකාවේ නිෂ්පාදනය කරන ලද ලේසර් තාක්ෂණය භාවිත වන එම වේග මාපක උපකරණ පළමු අදියර ලෙස මීගමුව, කැලණිය, සහ ගම්පහ යන ප්‍රදේශවල මෙන්ම බස්නාහිර පළාතේ දකුණු රථවාහන අංශයේ ප්‍රාදේශීය නිළධාරීන් වෙත බෙදා දී තිබේ.

2024 වසරේදී මෙරට තුළ රථවාහන අනතුරු 24,589ක් අතරින් වාර්තා වූ මරණ සංඛ්‍යාව 2,253ක් වේ.

පොලීසිය පවසන්නේ අධික වේගයෙන් රිය පැදවීමේ සිද්ධීන් 31,182 ක් එම කාලය තුළදී පොලිසිය විසින් හඳුනාගෙන ඇති අතර, ඉකුත් වසරේ සිදුවූ රිය අනතුරුවලින් අනතුරු 731 ක්ම සිදුව ඇත්තේ අධික වේගය නිසා බවයි.