Attention (Sinhala)

සමගි ජන බලවේගයේ මහ ලේකම් රංජිත් මද්දුමබණ්ඩාර පවසන්නේ සමගි ජන බලවේගය හා එක්සත් ජාතික පක්ෂය එක්ව ඉදිරි මැතිවරණයට තරග කිරීමට තීරණය කර ඇති බවයි.

එම එකඟතාව සම්බන්ධයෙන් පක්ෂ දෙක අතර සාකච්ඡා ධනාත්මකව ඉදිරියට යන බවත්, ඉන් අනතුරුව නායකයින් දෙදෙනා අතරද සාකච්ඡාවක් පැවැත්වෙනු ඇති බවත් මාධ්‍ය වෙත අදහස් දක්වමින් මහ ලේකම්වරයා පැවසීය.

කෙසේවෙතත් සන්ධානයක් ලෙස ඉදිරි මැතිවරණය සඳහා ඉතිරිපත් වන ලාංඡනය සම්බන්ධයෙන් මෙතෙක් තීරණයක් ගෙන නොමැති බවත්, එය ඉදිරියේදී තීරණය කරන බවයි ඔහු වැඩිදුරටත් ප්‍රකාශ කළේය.

එමෙන්ම නව සධානයේ නායකත්වය සම්බන්ධයෙන්ද මේ වනතෙක් එකඟතාවකට පැමිණ නැත.

ජනාධිපති අරමුදල විමධ්‍යගත කිරීමේ කමිටු පත්කිරීමේදී පරිපාලන නිලධාරීන්ට අසාධාරණයක් සිදුව ඇතැයි කියමින් ජනාධිපති අරමුදල විමධ්‍යගත කිරීමේ වැඩසටහන වර්ජනය කිරීමට ප්‍රාදේශීය ලේකම් කාර්යාලවල පරිපාලන නිලධාරීහු තීරණය කර ඇත.

පරිපාලන නිලධාරීන් මෙම වැඩසටහනේ රාජකාරි ඉටුකළ ද දීමනා ලබා දීමේ නිලධාරි ලැයිස්තුවෙන් පරිපාලන නිලධාරීන් ඉවත්කර ඇති බැව්ම් මෙම තීරණය ගත් බව ලේකම්වරයා පවසය්.

එම සංගමයේ ලේකම් නාලක කළුගල මහතා පවසන්නේ මෙම වැඩසටහනේ කිසිදු රාජකාරියකට සම්බන්ධ නොවන බවට ඒකාබද්ධ පරිපාලන නිලධාරීන්ගේ සංගමය ජනාධිපති අනුර කුමාර දිසානායකට ලිඛිතව දැනුම් දී ඇති බවයි.

ඔහු පෙන්වා දෙන්නේ මහ ජනතාව ජනාධිපති අරමුදලට ඉල්ලීම් ඉදිරිපත් කිරීමේදී ප්‍රාදේශීය ලේකම් කාර්යාලයේ පරිපාලන නිලධාරියා සෘජුව මැදිහත් වන නමුත් වෙනත් නිලධාරීන් පිරිසකට දීමනා ලබා දී කමිටුවලට පත්කර තිබෙන බවයි.

මධ්‍යම රජයේ සහ පළාත් රාජ්‍ය සේවයේ රෝහල් ලේකම්වරු, විද්‍යාපීඨ හා කාර්මික විද්‍යාල ලේඛකාධිකාරිවරු, ප්‍රාදේශීය සභාවල සභා ලේකම්වරු, ප්‍රාදේශීය ලේකම් කාර්යාලවල පරිපාලන නිලධාරීන්ගෙන් සමන්විත ඒකාබද්ධ පරිපාලන නිලධාරීන්ගේ සංගමයේ විධායක සභාව රැස්වී මේ පිළිබඳව සාකච්ඡා කර ජනාධිපති අරමුදල වර්ජනය කිරීමට තීරණය කළ බව ද ඔහු කීය.

එසේ ම, පරිපාලන නිලධාරීන් අස්වැසුම වැඩසටහනින් ඉවත්වීමට මීට පෙර ගනු ලැබූ වෘත්තීය ක්‍රියාමාර්ගය අඛණ්ඩව ක්‍රියාත්මක කරන බව ද නාලක කළුගල මහතා පැවසීය.

මේ අතර, ජනාධිපති අරමුදල ප්‍රාදේශීය ලේකම් කාර්යාල මට්ටමින් සේවා සැපයීමේ වැඩපිළිවෙළ අරලියගහ මන්දියේදී ලබන 7 වන දා ආරම්භ කරන බව ජනාධිපති කාර්යාලය පවසයි.

කොළඹට පමණක් සීමාවී තිබූ ජනාධිපති අරමුදලේ කාර්යාලයීය සේවා සැපයීම දිවයින පුරා ඇති ප්‍රාදේශීය ලේකම් කාර්යාල 341ම ස්ථාපිත කරන උප කාර්යාල මඟින් ක්‍රියාත්මක කරන බවද එම කාර්යාලය සඳහන් කළේ ය.

අපරාධ පරීක්ෂණ දෙපාර්තමේන්තුව විසින් ලංකා ඛනිජතෙල් නීතිගත සංස්ථාවේ හිටපු කළමනාකාර අධ්‍යක්ෂවරයෙක් අත්අඩංගුවටගෙන ඇත.

ඒ එම සංස්ථාවට අයත් මුදල් මැතිවරණ ප්‍රචාරක කටයුතු සඳහා යොදා ගැනීම සම්බන්ධ චෝදනාවකට අදාළවයි.

ඔහුට එරෙහි චෝදනාව වනුයේ රුපියල් 6,146,110 මුදලක් 2015 ජනාධිපතිවරණ මැතිවරණ ප්‍රචාරක කටයුතු සඳහා යොදා ගැනීමයි.

අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන ඒකකය මගින් හිටපු කළමනාකාර අධ්‍යක්ෂවරයා මෙලෙස අත්අඩංගුවට ගෙන ඇත.

ඉකුත් මස 22 මෙම චෝදනාවටම හිටපු අමාත්‍ය අනුර පියදර්ශන යාපා මහතා සහ ඔහුගේ බිරිඳ අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඇප මත මුදා හරනු ලැබීය.

ඊයේ (30) රාත්‍රී 11:15ට පමණ ගාල්ල හිනිදුම පනංගල ප්‍රදේශයේ සිදු කළ වෙඩි තැබීමකින් පුද්ගලයින් තිදෙනෙකු මිය ගොස් තිබේ.

යතුරුපැදියකින් පැමිණි පුද්ගලයින් දෙදෙනෙකු T56 වර්ගයේ ගිනිඅවියකින් මෙම වෙඩිතැබීම සිදුකර ඇති බව පොලිසිය පවසයි.

වෙඩිතැබීම සිදුවන අවස්ථාවේ මෙම පුද්ගලයින් තිදෙනා මත්පැන් පානය කරමින් සිට ඇති අතර වෙඩිවැදුණු පුද්ගලයන් එම ස්ථානයේදීම මියගොස් ඇති බවද පොලිසිය පැවසීය.

මියගිය පුද්ගලයින් වයස 29 – 54 අතර අයවලුන් බව පැවසේ.

ඝාතකයින් සොයා හිනිදුම පොලිසිය විමර්ශන අරම්භ කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා පැවසීය.
 

අද (30) රාත්‍රී කොළඹ වරායේ බණ්ඩාරනායක තටාකය ලෙස හඳුන්වන ගබඩා සංකීර්ණය අසල බහලුමක් තුළ ගින්නක් ඇතිවීමෙන් එම බහලුමේ තිබූ භාණ්ඩ ගිනිගෙන දැවී විනාශයට පත්ව ඇත.

එම ගබඩාවට බහලුමකින් භාණ්ඩ බාමින් තිබියදී එම බහලුම තුළ රාත්‍රී 7.30 ට පමණ ගින්නක් හට ගෙන ඇති බවත් ඉතාමත් සුළු කාලයකදී ගින්න පුරා පැතිර ගොස් ඇත.

රාත්‍රී 10.00 පමණ වන විටත් ගින්න සම්පූර්ණයෙන්ම නිවා දැමීමට නොහැකි තත්වයක පත්ව තිබූ නමුත් වරාය ගිනි නිවීමේ ඒකකය ගින්න පාලනය කිරීමට සමත්ව තිබේ.

කෙසේවෙතත්, එම බහලුම තුල අන්තරාදායක ද්‍රව්‍ය ඇතුළත්ව ඇති බවට දැනුම් දී නොමැතිව බවත් ගින්න පිළිබඳව සහ ඉන් සිදුවූ හානිය පිළිබඳව වරාය අධිකාරිය විශේෂ පරීක්ෂණයක් පවත්වන බවත් වාර්තා වේ.

වරායේ ඇතිව තිබූ අර්බදකාරී වාතාවරනය හේතුවෙන් පරික්ෂා නොකර වරායෙන් නිදහස් කළ බහාලුම් තොගයක් සම්බන්ධයෙන් විපක්ෂයේ නොයෙකුත් පරාජිත කණ්ඩායම් සහ මාධ්‍ය විසින් බස්නාහිර පළාත් ආණ්ඩුකාර හනිෆ් යූසුෆ් මහතාට එරෙහිව එල්ල කළ අභූත චෝදනාවන්ට එරෙහිව නීත්‍යානුකූලව කටයුතු කිරීමට එතුමා තීරණය කර තිබේ.

ඒ අනුව ඔහු අද (30) අපරාධ පරීක්ෂණ දෙපාර්තමේන්තුව (CID) වෙත පැමිණිල්ලක් ඉදිරිපත් කිරීමට කටයුතු කළේය.

ලොව ප්‍රමුඛ පෙළේ ව්‍යාපාරිකයෙකු සහ වත්මන් බස්නාහිර පළාත් ආණ්ඩුකාරවරයා ලෙස සිය කීර්තිනාමයට සිදුවූ බලපෑම සම්බන්ධයෙන් නීත්‍යානුකූලව කටයුතු කිරීමට ඔහු සූදානම් වෙයි.

මේ පිළිබඳ අදහස් දැක්වූ ආණ්ඩුකාරවරයා,

“පහුගිය දවස්වල දිගින් දිගටම මාව ඉලක්ක කරගෙන පදනමක් නැති බොරු චෝදනා එල්ල කළා. මේක දිගින් දිගටම සිද්ධ වුණා. මේ ගැන දරාගෙන ඉන්න බැරිම තැන මම අද CIDයට ගිහිල්ලා මේ ගැන පැමිණිල්ලක් කළා.

පරාජිත කණ්ඩායම් දිගින් දිගටම මේ චෝදනා එල්ල කරද්දී තවදුරටත් සද්ද නොකර ඉන්න බෑ බස්නාහිර පළාත් ආණ්ඩුකාරවරයා ලෙස මගේ කීර්තිනාමයට සිද්ධවෙන හානිය දාරාගන්න බෑ”.

මේ සම්බන්ධයෙන් අභූත චෝදනා එල්ල කළ පිරිස් අතර හිටපු අමාත්‍ය විමල් වීරවංශ මහතා ප්‍රධාන වෙයි.

විමල් වීරවංශ මහතා පසුගිය සතියේ මාධ්‍ය වෙත අදහස් දක්වමින් පැවසූවේ දූෂණය හා වංචාව ගැන කතා කෙරූ වත්මන් ආණ්ඩුව බහාලුම් තොගයක් පරික්ෂා කිරීමකින් තොරව නිදහස් කිරීමට කටයුතු කර ඇති බවත් එලෙස නිදහස් කළ බහාලුම් තොගය වත්මන් ආණ්ඩුව විසින් පත් කරන ලද ආණ්ඩුකාරවරයෙකුට අයත් ඒවා බවත් ය.

වෛරය වපුරවා බලය ලබාගත් ආණ්ඩුව කිසිඳු පරික්ෂා කිරීමකින් තොරව බහාලුම් නිදහස් කිරීමට උපදෙස් දෙනවා නම් එය බරපතල කාරණාවක් බවත් එහිදී හිටපු පාර්ලිමේන්තු මන්ත්‍රී විමල් වීරවංශ වැඩිදුරටත් පැවසීය.