Local news (Sinhala)

හිටපු පොලිස්පති දේශබන්දු තෙන්නකෝන් ඇතුළු කොළඹ අපරාධ කොට්ඨාසයේ හිටපු නිලධාරීන් 8 දෙනෙකු අත්අඩංගුවට ගෙන අධිකරණයට ගෙන සැකකරුවන් ලෙස නම් කරන්නැයි මාතර මහෙස්ත්‍රාත් අධිකරණය පසුගියදා නියෝ කළේය.

ඒ 2023 වසරේ දෙසැම්බර් 31වනදා මාතර වැලිගම පැලෑන ප්‍රදේශයේ W 15 හෝටලය ඉදිරිපිට සිදුවූ වෙඩි තැබීමේ සිදුවීමට අදාළවයි.

කෙසේවෙතත් මේ වනවිට පොලිස්පති දේශබන්දු තෙන්නකෝන් මහතා අතුරුදන්ව ඇති අතර ඔහු සොයා පොලිස් කණ්ඩායම් කිහිපයක් විමර්ශණ සිදුකරනු ලබයි.

දේශබන්දු තෙන්නකෝන් මහතා සුවිශේෂී වන්නේ ඔහුගේ නම ඉදිරියේ වාර්තා කිහිපයක් සටහන් වී තිබීම හේතුවෙනි.

එම වාර්තා පහත පරිදි වෙයි,

1. 1) මහජනතාවගෙන් පහරකෑමට ලක්වූ ඉතිහාසයේ පළමු ජේෂ්ඨ නියෝජ්‍ය පොලිස්පතිවරයා. [එවකට බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති ලෙස කටයුතු කළ දේශබන්දු තෙන්නකෝන් මහතාට සහ තවත් පොලිස් නිලධාරීන් දෙදෙනෙකුට 2022 වසරේ මැයි මස 10 වනදා කොල්ලුපිටිය ප්‍රදේශයේදී අරගලය සම්බන්ධ සිදුවීමක් මුල්කරගනිමින් පහරදීමක් සිදුවිය]

2) රාජකාරියේ යෙදී සිටියදී අධිකරණ නියෝගයක් මත තාවකාලිකව රාජකාරී අත්හිටවූ ශ්‍රී ලංකාවේ ප්‍රථම පොලිස්පතිවරයා. [දේශබන්දු තෙන්නකෝන් පොලිස්පති ධූරයේ කටයුතු කිරීම වළක්වාලමින් ශ්‍රේෂ්ඨාධිකරණය අද 2024 ජුලි 24 වැනිදා ශ්‍රේෂ්ඨාධිකරණය අතුරු තහනම් නියෝගයක් නිකුත් කළේය.]

3) රාජකාරියේ යෙදී සිටියදී අත්අඩංගුවට ගැනීමට නියමවූ ප්‍රථම පොලිස්පතිවරයා. [පූජිත ජයසුන්දර අත්අඩංගුවට පත්වූයේ එවකට ජනාධිපති මෛත්‍රීපාල සිරිසේන මහතා විසින් ඔහු ධූරයෙන් නෙරපා සිටි අවස්ථවකදීය]

4) සේවයේ සිටියදී පලාගිය ප්‍රථම පොලිස්පතිවරයා.

5) විදෙස් ගමන් තහනමකට ලක්වූ ප්‍රථම පොලිස්පතිවරයා.

කාලගුණ විද්‍යා දෙපාර්තමේන්තුව පවසන්නේ අද (02) දිනයේ නැගෙනහිර, දකුණු සහ ඌව පළාත්වලත් මාතලේ, නුවරඑළිය සහ පොළොන්නරුව දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවිය හැකි බවයි.

උතුරු පළාතේත්, අනුරාධපුර දිස්ත්‍රික්කයේත් වැසි වාර කිහිපයක් ඇතිවිය හැකි බවත් සෙසු ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති වියහැකි බවත් එම දෙපාර්තමේන්තුව පවසයි.

බස්නාහිර, සබරගමුව, දකුණු සහ ඌව පළාත්වලත් මාතලේ සහ නුවරඑළිය දිස්ත්‍රික්කවලත් ඇතැම් ස්ථාන වලට මි.මී. 75ක පමණ තරමක තද වැසි ඇතිවිය හැකි බව නිවේදනයේ සඳහන්.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් වැඩිදුරටත් ඉල්ලා සිටී.

ජනාධිපති අනුර කුමාර දිසානායක මහනුවරදී පැවැත්වීමට නියමිත විශේෂ දළදා ප්‍රදර්ශනය සම්බන්ධයෙන් වැඩිදුර අනුශාසනා ලබාගැනීමට අද (02) දින මල්වතු අස්ගිරි මහානාහිමිවරුන් බැහැදැකීමට නියමිත බව වාර්තා වේ.

මෙම සාකච්ඡාවේදී දළදා සමිඳුන් ප්‍රදර්ශනය කෙරෙන වේලාව, මහනුවරට පැමිණෙන ලක්ෂ සංඛ්‍යාත ජනතාවට සපයන පහසුකම්, විශේෂ ආරක්ෂක වැඩපිළිවෙළ, ප්‍රවාහන සේවා ඇතුළු පහසුකම් සම්බන්ධයෙන්ද සාකච්ඡා කිරීමට නියමිත බවද වාර්තා වේ.

මෙම විශේෂ සාකච්ඡාව සදහා දළදා මාලිගාවේ දියවඩන නිලමේ ප්‍රදීප් නිලංග දෑලද සහභාගි වීමට නියමිත බවද වාර්තා වේ.

එළැඹෙන අප්‍රේල් මාසයේ සිට හෙද හෙදියන් සදහා වැටුප් වැඩිවීම් සිදුවන අතර එහිදි සියලුම ශ්‍රේණිවල හෙද හෙදියන් සදහා දැනෙන වැටුප් වැඩිකිරීමක් සිදුකිරීමට රජය පියවර ගෙන ඇති බව සෞඛ්‍ය අමාත්‍ය වෛද්‍ය නලින්ද ජයතිස්ස පාර්ලිමේන්තුවේදී සදහන් කරයි.

අමාත්‍ය නලින්ද ජයතිස්ස සදහන් කළේ,

“හෙද සේවයේ තුන්වැනි ශ්‍රේණියේ 8200ක් පමණ සේවය කරනවා. ඒ අයට මූලික වැටුප තිබුණේ රුපියල් 32,525ක් පමණයි. අපේ මූලික වැටුප් වැඩිවීම ඇතුළේ රුපියල් 54,920 දක්වා වැටුප් වැඩි කරලා තියෙනවා. ඒ අනුව මූලික වැටුප විතරක් 22,395ක් වැඩිවෙලා.

ඒ අයගේ OT එක පැයකට රුපියල් 215ක තිබුණ දීමනාව රුපියල් 290 දක්වා පැයකට රුපියල් 75කින් වැඩිවෙනවා. දෛනික දීමනාව රුපියල් 1,084 තිබුණ එක 1,831 දක්වා වැඩිවෙනවා. මම මේ කියන්නේ පළමු පත්වීම ලබලා අවුරුදු 05ක් වැඩ කරන අයටයි. ඒ අයට දළ වැටුප විදියට 10,4081 අප්‍රේල් මාසේ ඉඳලා 133,640ක් අවම වශයෙන් ලැබෙනවා.

දෙවන ශ්‍රේණියේ හෙද හෙදියන් 9,400ක් ඉන්නවා. පත්වීම ලැබිලා අවුරුදු 05කට පස්සේ දෙවන ශ්‍රේණියට ඇතුළත් වෙනවා. ඒ අයට මූලික වැටුප තිබුණේ රුපියල් 37,636යි. ඒක වැඩි කරලා තියෙනවා රුපියල් 64,500 දක්වා. ඒ කියන්නේ රුපියල් 26,864කින් මූලික වැටුප පමණක් වැඩිකරලා තියෙනවා.

මෙතෙක් පැයකට රුපියල් 255ක තිබුණ OT එක රුපියල් 345 දක්වා රුපියල් 90කින් වැඩි කරනවා. දෛනික දීමනා රුපියල් 1881ක දීමනාව රුපියල් 2150 දක්වා වැඩිකරනවා. එතකොට ඒ අයගේ දළ වැටුප සැලකිය යුතු ප්‍රමාණයක් වැඩිවෙනවා.

පළමු ශ්‍රේණියේ 16,000ක් සේවය කරනවා. සේවයට ඇතුළත් වෙලා අවුරුදු 12කට පස්සේ පළමු ශ්‍රේණියට ඇතුළත් වෙන්න පුළුවන්. ඒ අයගේ දැන් තියෙන මූලික වැටුප තමයි රුපියල් 44,965යි. මේ මූලික වැටුප රුපියල් 77,850 දක්වා වැඩිවෙනවා.

ඒ 32,885ක් මූලික වැටුප වැඩිවෙනවා. දැන් OT පැයක් තියෙන්නේ රුපියල් 305යි ඒක රුපියල් 420 දක්වා වැඩිවෙනවා. OT පැයක් රුපියල් 115කින් වැඩිවෙනවා. රුපියල් 2248ක් තියෙන දෛනික දීමනාව රුපියල් 2595 දක්වා වැඩිවෙනවා.

අධි ශ්‍රේණියේ හෙද හෙදියන් 6,000ක් ඉන්නවා. මේ අයට සේවට බැඳිලා අවුරුදු 22ක් ගියාම තමයි උසස්වීම ලැබෙන්නේ. දැන් රුපියල් 53,035ක තියෙන මූලික වැටුප රුපියල් 92,460 වෙනකන් වැඩිවෙනවා. මූලික වැටුප 39,425කින් වැඩිවෙනවා රුපියල් 350ට තියෙන OT පැය රුපියල් 500ක් වෙනවා.

රුපියල් 2,651ක් තියෙන දෛනික දීමනාව රුපියල් 3,082 දක්වා වැඩිවෙනවා. ඒ වගේම විශේෂ ශ්‍රේණියේ හෙද හෙදියන් 415ක් පමණ දැන් ලංකාවේ ඉන්නේ. සේවා කාලය අවුරුදු 27ක් වගේ වුණාම උසස්වීම ලැබෙනවා. දැන් ලැබෙන්නේ රුපියල් 54,235යි. මේ මූලික වැටුප රුපියල් 94,060 වෙනකන් වැඩිවෙනවා. වැඩිවීම විතරක් රුපියල් 40,000කට ආසන්නයි.

ඒ අයට OT පැය රුපියල් 395 තියෙන මුදල රුපියල් 545 දක්වා වැඩිවෙනවා. දෛනික දීමනාව රුපියල් 2,711 රුපියල් 3,135 වෙනකන් වැඩි වෙනවා. අප්‍රේල් මාසයේදී මේ හෙද හෙදියන් 40,000ට ඒ අයගේ සේවා කාලයට මේ මුලික වැටුප් වැඩිවීම OT වැඩිවීම, දෛනික දීමනාව වැඩිවීම, ඒ වගේම වාර්ශික වැටුප් වර්ධකය මේ සියල්ල එකතු වුනාට පස්සේ අප්‍රේල් මාසයේදී අතට දැනෙන වැටුපක් ලැබෙනවා අනිවාර්යයෙන්ම.”

ගැමුණු හේවා බළකායේ නන්පේරියල් කඳවුරේ ස්ථානගත ආපදා සහන සේවා භට පිරිස් විසින් හිරිකටු ඔයේ ජල මට්ටම හදිසියේ ඉහළ යාම හේතුවෙන් සිරවී සිටි පුද්ගලයින් 35ක් සාර්ථකව මුදාගෙන ඇත.

දේශීය සංචාරකයින් 75 දෙනෙකුගෙන් යුත් කණ්ඩායමක් කොලොන්නාව ප්‍රදේශයේ සිට නන්පේරියල් ප්‍රදේශයේ සංචාරයක නිරත වී ඇති අතර එහිදී මෙම හදිසි සිද්ධියට මුහුණ දී ඇත.

හමුදා භට පිරිස්වල කඩිනම් ප්‍රතිචාර දැක්වීමේ ප්‍රතිඵල මත හිරිකටු ඔයේ ජල මට්ටම තවදුරටත් ඉහළ යාමට පෙර සිවිල් වැසියන් ආරක්ෂිතව මුදා ගැනීමට හැකි වූ බව යුද හමුදාව සදහන් කරයි.