Why is this happening (Sinhala)

තැපැල් දෙපාර්තමේන්තුව තුළ මතුව ඇති ගැටලුවලට විසඳුම් ජනවාරි 19 වැනිදාට ප්‍රථම ලබා නොදෙන්නේ නම් දැවැන්ත වෘත්තීය සමිති ක්‍රියාමාර්ගයකට යොමුවන බව ඒකාබද්ධ තැපැල් වෘත්තීය සමිති පෙරමුණ පවසයි.

එහි සම කැඳවුම්කරු චින්තක බන්ඩාර මහතා මාධ්‍ය සාකච්ඡාවක් පවත්වමින් කියා සිටියේ ආණ්ඩුව පත්වීමට පෙර ලබාදුන් පොරොන්දු අනුව සේවක වැටුප් වැඩිකිරීම් මෙවර අයවැයෙන් ලබාදෙනු ඇති බවට විශ්වාස කරනා බවත් එසේ නොවේ නම් ආන්ඩුව සමඟ ඉදිරියට ගැටළු ඇතිවිය හැකි බවත් ය.

එහිදී වැඩිදුරත් අදහස් දැක්වූ සම කැඳවුම්කරු සරත් ශාන්තප්‍රිය පැවසූවේ ආණ්ඩුව සිය ප්‍රතිපත්ති ප්‍රකාශයේ තිබූ පොරොන්දු ඉටු නොකිරීම නිසා එම තොරතුරු ජනතාවට ලබාදෙන හිරු වැනි මාධ්‍ය ආයතන මර්දනයක් ක්‍රියාත්මක කර ඇති බවයි.

විපක්ෂයේ ප්‍රධාන සංවිධායක, සජබ පාර්ලිමේන්තු මන්ත්‍රී ගයන්ත කරුණාතිලක මහතා පුවත්පතකට පිළිතුරු දෙමින් පවසන්නේ දූෂිත නැති ඕනෑ ම කෙනෙකුට සමගි ජන බලවේගය සමඟ සාකච්ඡා කිරීමට, වැඩපිළිවෙලක් සාදා ගැනීමට හා එකඟතාවට පැමිණීමට සමගි ජන බලවේගය සූදානම් බවයි.

ඔහු පවසන්නේ, රටේ ජනතාව මුහුණ දී ඇති පීඩනය හමුවේ ආණ්ඩුවට විරුද්ධ සියලු බලවේග එකතු කරගෙන ඉදිරි ගමන යෑමට සජබ සූදානම් බවයි.

ආණ්ඩුව ඡන්දවලට පෙර කී දේට වෙනස්ම දෙයක් දැන් කරන බව ත් අඩු මිලට වාහන ගැනීමට සිටි තරුණ තරුණියන්ට හොඳ ඉහළ මිලකට වාහන ගැනීමට සිදුවනු ඇති බවත් මන්ත්‍රීවරයා පවසයි.

ආණ්ඩුව විසින් ජනතාව ‍රවටා ඇති බවත් කිසිදිනක නොවූ ආකාරයට රටේ සහල් හිඟයක් ඇති වී තිබෙන බවත් හාල් නැති තැනක් පෙන්වන්නැයි වෙළෙඳ ඇමතිවරයා කීවත් හාල් තිබෙන තැන් පෙන්වීම ඊට වඩා පහසු වනු ඇති බවත් ගයන්ත කරුණාතිලක මහතා පවසයි.

මේ අනුව ජනමතයට අනුව විපක්ෂයේ බලවත්ම පක්ෂය ලෙස සමගි ජන බලවේගය රජයට එරෙහි ඕනෑම බලවේගයක් සමග වැඩ කිරීමට නායකත්වය ලබා දෙන බවත් ආණ්ඩුවට බනින ජනතාව මේ වන විට වැඩි වී ඇති බැවින් ඒ සියලුම දෙනා එකතු කරගෙන ඔවුන්ට නායකත්වය දීමට සමගි ජන බලවේගය ඉදිරියේදී කටයුතු කරන බවත් මන්ත්‍රීවරයා පවසයි.

අභියාචනාධිකරණ සභාපති විනිසුරු නිශ්ශංක බන්දුල කරුණාරත්න මහතා සිය ධුරයෙන් ඉල්ලා අස්වීමට නියමිතව ඇති බව වාර්තා වේ.

ඔහුට එරෙහිව දෝෂාභියෝග යෝජනාවක් ඉදිරිපත් කිරීමට ජාතික ජන බලවේග (NPP) රජය සැලසුම් කර ඇති පසුබිමක මෙම තීරණය ගෙන ඇති බව පැවසේ.

ඒ අනුව, විනිසුරු කරුණාරත්න මහතා මේ මස අවසානයේ සිය ඉල්ලා අස්වීම ඉදිරිපත් කිරීමට නියමිත අතර, ඔහුගේ මෑත කාලීන කාර්‍ය සාධනය පදනම් කරගනිමින් එම දෝෂාභියෝග යෝජනාව ගෙන ඒමට රජය සූදානම් වී ඇති බව වාර්තා වේ.

විනිසුරු කරුණාරත්න මහතා මේ වසරේ ජුනි 16 වන දින වයස අවුරුදු 63 සම්පූර්ණ කර විශ්රාම යාමට නියමිතව සිටියද, දෝෂාභියෝග චෝදනා හේතුවෙන් ොහු ඊට ප්‍රථම ඉල්ලා අස්වීමට නියමිත බව වාර්තා වේ.

මීට අමතරව, පසුගිය සඳුදා නීතිපති පාරින්ද රණසිංහ සහ ජනාධිපති අනුර කුමාර දිසානායක අතර පැවති සාකච්ඡාවකින් පසුව, බරපතල අපරාධ නඩු 11ක් කඩිනමින් අවසන් කිරීමට නීතිපති දෙපාර්තමේන්තුව තීරණය කර ඇති අතර, මෙම තීරණය දෝෂාභියෝග ක්‍රියාවලිය සඳහාද බලපෑමක් ඇතිකර ඇති බව පැවසේ.

විනිසුරු කරුණාරත්න මහතා මහේස්ත්රාත්වරයකු ලෙස තම අධිකරණ ජීවිතය ආරම්භ කළ අතර, පසුව අභියාචනාධිකරණ සභාපති ධුරයට පත්වූ අතර පසුව හිටපු ජනාධිපති රනිල් වික්‍රමසිංහ ඔහුව ශ්‍රේෂ්ඨාධිකරණයේ විනිශ්චකාරවරයකු ලෙස පත් කිරීමට නිර්දේශ කළ නමුත්, ව්‍යවස්ථාදායක සභාව විසින් එම නාමයෝජනාව ප්‍රතික්ෂේප කරන ලදී.