Why is this happening (Sinhala)

ගල්කිස්ස පොලිස් ස්ථානයේ සේවයේ නියුතු පොලිස් කොස්තාපල්වරයෙකු රජයේ ගිනි අවියක් රැගෙන රටින් පලා ගොස් ඇති බව වාර්තාවේ.

අදාළ පොලිස් නිලධාරියා සිය රාජකාරි ටී-56 ගිනි අවිය හා උණ්ඩ වලට කුමක් කළේදැයි නොදන්වා ඩුබායි රාජ්‍යයට පලාගොස් ඇත.

ඔහු සතු ගිනිඅවිය මෙතෙක් සොයා ගෙන නොමැති අතර සිද්ධිය සම්බන්ධව පොලීසිය වැඩිදුර විමර්ශන සිදුකරයි.

මෙම කොස්තාපල්වරයා පෙබරවාරි 08 වන දින සවස  5.30ට පමණ ගල්කිස්ස පොලිස් ස්ථානයට පැමිණ රාජකාරී සඳහා ටී-56 ගිනි අවියක් සහ උණ්ඩ 30ක් ලබාගෙන පිටත්ව ගොස් ඇතත් ඔහු නියමිත මාර්ගබාධක රාජකාරියට වාර්තා කර නොමැත.

පසුව අනාවරණය වී ඇත්තේ එම කොස්තාපල්වරයා එදිනම රාත්‍රී 10.15ට පමණ ඩුබායි රාජ්‍යය බලා ගුවන්ගත වී ඇති බවයි.

මෙම පලාගිය නිලධාරියා නැවත මෙරටට ගෙන්වා ගැනීම සඳහා අන්තර්ජාතික පොලීසියේ (ඉන්ටපෝල්) සහය ලාගැනීමට නියමිත අතර, නීති විරෝධී ලෙස රැගෙන ගිය ගිනි අවිය සහ උණ්ඩ සොයා ගැනීම සඳහා පොලිසිය විශේෂ විමර්ශනයක් ආරම්භකර තිබේ.

බියගම සියඹලාපේ ප්‍රදේශයේදී රජයේ පාසලක නියෝජ්‍ය විදුහල්පතිවරයෙක් පැහැරගෙන ගොස් එම ප්‍රදේශයේම් නිවසක සිර කර හිංසා කළ අඹු සැමි යුවළක් අත්අඩංගුවට ගෙන තිබේ.

සැකකරු අවුරුදු 37ක් වන ගුරුවරයෙක් වන අතර සැකකාරිය අවුරුදු 32ක් වන එම ගුරුවරයාගේ බිරිඳ වෙයි.

පහරකෑමට ලක්ව ඇත්තේ ගුරුවරයා සේවය කරන විදුහලෙ නියෝජ්‍ය විදුහල්පතිවරයෙකි.

පැරණි අමනාපයක් මත මෙම නියෝජ්‍ය විදුහල්පතිවරයා පැහරගෙන ගොස් මෙලෙස සිය බිරිඳ ලවා වද හිංසා කර ඇති බව පැවසේ.

අද පාර්ලිමේන්තුවේදී බදුල්ල දිස්ත්‍රික් මන්ත්‍රීන් වන චාමර සම්පත් දසනායක සහ සමන්ත විද්‍යාරත්න යන මන්ත්‍රීවරුන් අතර උණුසුම් විවාදයක් හටගත්තේය.

එහිදී චාමර සම්පත් දසනායක මහතා පැවසූවේ තමන්ට එරෙහිව නඩු ඇත්නම් ඒවා කඩිනමින් පවරන ලෙසයි.

තමන් නඩුවලට බිය නොමැති බවත්, නඩු පරණවීමට ඉඩ නොදී ඇප දීමට නොහැකි වන ලෙස නඩුව පවරන ලෙසත් මන්ත්‍රීවරයා ප්‍රකාශ කළේය.

ගුරුවරයෙක් දණ ගැස්ස වූ බවට තමන්ට චෝදනා කළ ද, තමන් අධිකරණයෙන් නිදහස් වී ඇති බවත්, ඒවා පරණ කතා වන බවත්, අලුත් කතාව වන්නේ සමන්ත කජු කෑ ආකාරය බවයි පාර්ලිමේන්තු මන්ත්‍රී චාමර සම්පත් දසනායක වැඩිදුරටත් ප්‍රකාශ කර සිටියේය.

එහිදී ආණ්ඩුපක්ෂ පාර්ලිමේන්තු මන්ත්‍රී සමන්ත විද්‍යාරත්න මහතා ඊට පිළිතුරු සපයිමින් කියාසිටියේ අදාළ මන්ත්‍රීවරයා විසින් සිදුකර ඇති වංචා දූෂණ රැසක් සම්බන්ධයෙන් පැමිණිලි කර ඇති බවත් ඊට අදාළ කටයුතු ඉදිරියේදී සිදුවනු ඇති බවත් ය.

එමෙන්ම බදුල්ල මහ ඇමතිව කටයුතු කළ සමයේ ගුරුවරියක් දණ ගැස්වීම සම්බන්ධයෙන්ද සඳහන් කළ විද්‍යාරත්න මහතා ඊට අදාළ වින්දිත ගුරුවරිය විසින් ලබාදී ඇති ශාක්ෂියද ඉදිරිපත් කළේය.

කෙසේවෙතත් පාර්ලිමේන්තුවේ කාල වේලාව නාස්ති නොකර වෙනම විවාදයක් සඳහා ‍චාමර සම්පත් මහතා යෝජනා කළ අතර සමන්ත විද්‍යාරත්න මහතා එය ස්ථිර කළේය.

ඊයේ (05) සවස වයස 76 ක් වූ රාගම – තලගොල්ල ප්‍රදේශයේ පදිංචිකාරිනියක් සිය නිවසේදී ගෙල කපා ගිනි තබා ඝාතනය කර තිබේ.

මියගිය කත ස්වාමි පුරුෂයා සමග නිවසේ පදිංචිව සිටින අතර ස්වාමි පුරුෂයා සිද්ධිය වන අවස්ථාවේදී රැකියාව සඳහා නිවසින් පිටව ගොස් සිට ඇති බව පොලිස් පරික්ෂණ වලදී  අනාවරණය වී ඇත.

ස්වාමි පුරුෂයා නිවසට පැමිණ බිරිඳ පිළිබඳව සොයා බැලීමේදී ඇය මෙලෙස ඝාතනය කර ඇති බව දැක ඇති බව පොලීසිය පවසයි.

මෙම ඝාතනයට හේතුව මෙතෙක් අනාවරණය වී නොමැති අතර අපරාධයට සම්බන්ධ සැකකරුවන් අත්අඩංගුවට ගැනීම සඳහා රාගම පොලීසිය වැඩිදුර විමර්ශන සිදු කරනු ලබයි.

අද (5) පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් මාධ්‍ය ප්‍රකාශක අමාත්‍ය නලින්ද ජයතිස්ස මහතා සඳහන් කළේ පාර්ලිමේන්තු මන්ත්‍රීවරුවන් සදහා රජයෙන් වාහන ලබාදීමට බලාපොරොත්තු නොවන බවයි.

මන්ත්‍රීවරුන්ට වාහන ලබාදීම රජයේ ප්‍රමුඛ කටයුත්තක් නොවන බවත් ඒ වෙනුවෙන් වාහන ආනයනය නොකරන බවත් මාත්‍යවරයා පැවසීය.

දැනට රජයේ ස්ථාවරය අනුව ආණ්ඩුවේ මෙන්ම විපක්ෂයේ මන්ත්‍රීවරුන්ටත් අවශ්‍ය වාහන පහසුකම් ඔවුන් විසින් සලසා ගත යුතු බව අමාත්‍යවරයා පැවසීය.

රජය විසින් වාහන සංචිතයක් පවත්වාගෙන යමින් ඒ හරහා මන්ත්‍රීවරුන්ට ලබා දෙන වාහන වසර පහකට පසුව නැවත රජයට භාරදිය යුතු බවට තීරණය කර ඇතත් එවැනි වාහන සංචිතයක් පවත්වාගෙන යෑමට ප්‍රමාණවත් වාහන මේ වනවිට රජය සතුව නොමැති බවත් ඔහු කියා සිටියේය.

එනිසා දැනට මන්ත්‍රීවරුන් සඳහා වාහන ලබාදීමට තීරණයක් ගෙන නොමැති බව ාමාත්‍යවරයා අවධාරණය කළේය.