Why is this happening (Sinhala)

නාවලපිටිය සෙම්රොක් ප්‍රදේශයේ පදිංචිව සිටි ගයානි දිල්රුක්ෂි කුමාරි (46) හැවිරිදි තිදරු මවක් අද (04) දින අලුයම ඝාතනයට ලක් වි ඇති බව පොලීසිය පවසයි.

එම කාන්තාව ඝාතනය කර ඇත්තේ සැමියා විසින් වන අතර දියණියගේ නිවසේ නිදාගෙන සිටියදී මෙලෙස පිහියකින් කපා ඝාතනය කර සැමියා නාවලපිටිය පොලිසියට භාර වී ඇත.

එම කාන්තාව සිය සැමියාගේ නිරන්තරයෙන් ආරවුල් හේතුවෙන් දියණියගේ නිවසේ නැවති සිටි බව පැවසේ

ජිවිතක්ෂයට පත් කාන්තවගේ දියණිය විසින් පොලිසියට ලබාදුන් ප්‍රකාශයේ සඳහන්ව ඇත්තේ අද (04) දින අලුයම 1.30 ට පමණ පිහියක් සහිතව නිවසේ පහල මහලේ ජනේලය මතින් හොර රහසේ නිවසට ඇතුල් වු පියා නිවසේ කාමරයේ නිදාගෙන සිටි මවට පිහියෙන් ඇණිමත් සමග මව බේරිම සදහා නිවසෙන් පිටතට දිවගිය බවත්, මව පිටුපසින් හබා ගිය පියා නිවසෙන් පිටතදි යලිත් මවට පිහියෙන් ඇණ ගලකින් හිසට ගසා මව ඝාතනය කල බවයි.

මව බේරිමට ගිය දියණියට තුවාල සිදු වි ඇති බවත්, මෙම ඝාතනය පවුල් ආරවුලක් මත සිදු ඝාතනයක් බවත්, ජිවිතක්ෂයට පත් කාන්තාව සහ සැකකාරු සැමියා කාලයක් තිස්සේ වෙන් වි ජිවිත් වි ඇති බව සිදු කරන ලද මුලික විමර්ෂණ වලදි අනාවරණය වු බව ස්ථානාධිපතිවරයා කියා සිටියේය.

සැකකරු යුධ හමුදාවේ සේවය කර පසුව වෛද්‍ය වාර්තා අනුව සේවයෙන් ඉවත් වු පුද්ගලයෙකු බවද පොලිසිය පැවසිය.

නාවලපිටිය මහෙස්ත්‍රාත්වරයාගේ ස්ථාන පරික්ෂාවෙන් පසු සිරුර පශ්චාත් මරණ පරික්ෂණ සදහා නාවලපිටිය දිස්ත්‍රික් මහ රෝහලේ අධිකරණ වෛද්‍යවරයා වෙත යොමු කරන බවද ස්ථානාධිපතිවරයා පැවසිය.

ශ්‍රී ලංකා පොදු ජන පෙරමුණේ පාලක ලේකම් රේණුක පෙරේරා මහතා විසින් මහජන ආරක්ෂක අමාත්‍ය ආනන්ද විජේපාල මහතාගේ පාර්ලිමේන්තු මන්ත්‍රී ධුරය බල රහිත කිරීමේ අඥාවක් නිකුත් කරන ලෙස ඉල්ලා අභියාචනාධිකරණයට පෙත්සමක් ඉදිරිපත් කර තිබේ.

වග උත්තරකර ආනන්ද විජේපාල මහතා මහජන ආරක්ෂක අමාත්‍යවරයා වශයෙන් ජනාධිපතිවරයා විසින් ඉකුත් නොවැම්බර් මස 18 වනදා පත්කරන ලද බවත් පසුව අමාත්‍යවරයා ජනාධිපතිවරයාගේ කාර්ය මණ්ඩල ප්‍රධානියා වශයෙන්ද පත් කර තිබෙන බවත් පෙත්සම්කරු අදාළ පෙත්සම මගින් දක්වා ඇත.

පෙත්සමේ වගඋත්තරකරු ලෙස අමාත්‍ය ආනන්ද විජේපාල,  පාර්ලිමේන්තු මහලේකම් සහ නීතිපතිවරයා නම් කර තිබේ. 

පෙත්සම්කරු පවසන්නේ ආණ්ඩුක්‍රම ව්‍යවස්ථාවේ 91 වන ව්‍යවස්ථාව යටතේ රාජ්‍ය සේවයේ නිරත අයෙකු පාර්ලිමේන්තුවේ අසුන් ගැනීමට හා ඡන්දය ප්‍රකාශ කිරීමට සුදුසුකම් නොලබන බව දක්වා ඇති බවයි.

ජනාධිපතිවරයාගේ කාර්යය මණ්ඩල ප්‍රධානියා යනු රාජ්‍ය තනතුරක් යැයි පෙන්වා දෙන පෙත්සන්කරු ඒ අනුව එවැනි තනතුරක් දරමින් පාර්ලිමේන්තු මන්ත්‍රී ධූරයක් දැරීමට අමාත්‍ය ආනන්ද විජේපාල මහතාට සුදුසුකමක් නොමැති බවත් අදාළ පෙත්සසම මගින් වැඩිදුරටත් පෙන්වා දී තිබේ.

ඒ අනුව ආණ්ඩුක්‍රම ව්‍යවස්ථාව ප්‍රකාරව ආනන්ද විජේපාල අමාත්‍යවරයාට පාර්ලිමේන්තු මන්ත්‍රී ධුරයක් දැරීමට සුදුසුකම් නොමැති බවට තීන්දුකොට ඔහුගේ මන්ත්‍රී ධූරය බල රහිත කිරීමේ තීන්දුවක් ලබා දෙන ලෙසත් පෙත්සම්කරු අධිකරණයෙන් ඉල්ලා තිබේ.

ඊට අමතරව මෙම පෙත්සම විභාග කොට අවසන් තීන්දුවක් ප්‍රකාශයට පත් කරනතුරු ආනන්ද විජේපාල මහතා පාර්ලිමේන්තු මන්ත්‍රීවරයෙකු වශයෙන් අසුන් ගැනීම හා පාර්ලිමේන්තුවේ ඡන්දය ප්‍රකාශ කිරීම වළක්වාලමින් අතුරු තහනම් නියෝගයක් නිකුත් කරන ලෙසද පෙත්සමෙන් ඉල්ලා තිබේ. 

එසේම ආනන්ද විජේපාල මහතා මහජන ආරක්ෂක අමාත්‍ය  ධුරයේ කටයුතු කිරීම වළක්වාලන අතුරු තහනම් නියෝගයක් නිකුත් කරන ලෙසත් පෙත්සමෙන් වැඩිදුරටත් ඉල්ලා තිබේ.

කසිප්පු ආරවුලක් මත ඇතිවූ ගැටුමක් දුර දිග යෑමෙන් අම්බලන්තොට මාමඩල ,බැමිණියන්විල ප්‍රදේශයේදී තියුණු ආයුධ වලින් කපාකොටා පුද්ගලයන් තිදෙනකු ඝාතනය කර ඇති බව වාර්තා වේ.

වයස අවුරුදු 29-45 තිදෙනෙකු මෙලෙස ඝාතනය කර ඇත.

අම්බලන්තොට පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.

2025/2/3

අම්බලන්තොට, මාමඩල ප්‍රදේශයේ පුද්ගලයින් තිදෙනෙකු තියුණු ආයුධවලින් පහර දී ඝාතනය කිරීමේ සිද්ධියට සම්බන්ධ සැකකරුවන් 05 දෙනෙකු අත්අඩංගුවට ගෙන තිබේ.

අම්බලන්තොට, තංගල්ල සහ හුංගම පොලීසිය එක්ව සිදුකළ ඒකාබද්ධ මෙහෙයුමකින් අනතුරුව සැකකරුවන් අත්අඩංගුවට ගත් බව පොලීසිය පැවසුවේය.

නීතිවිරෝධී මත්පැන් සම්බන්ධයෙන් සිදුවු ආරවුලක් හේතුවෙන් ඇති වු ගැටුමක් හේතුවෙන් මෙම ඝාතනය සිදුව ඇති බව පොලීසිය සිදුකළ මුලික විමර්ශන වලදී අනාවරණය වී තිබුණි.

සජබ පාර්ලිමේන්තු මන්ත්‍රී ප්‍රසාද් සිරිවර්ධන මහතා මාධ්‍ය හමුවක් පවත්වමින් කියා සිටියේ පසුගිය මාසයේ සිය වැටපු වියදම් කළ ආකාරය පිළිබදව මාලිමාවේ මන්ත්‍රීවරුන් රටට හෙළිකළ යුතු බවයි.

පාර්ලිමේන්තු මන්ත්‍රීවරයකු ලබන වැටුප් සහ දීමනා පිළිබදවද මෙහිදී හෙළිදරව් කළ මන්ත්‍රීවරයා පවසා සිටියේ වැටුප 54,000ක්, කාර්යාල දීමනාව 100,000ක්, ඉන්ධන සඳහා 100,000ක්, දුරකතන දීමනාව 50,000ක් සහ සංග්‍රහ දීමනාව ලෙස 1000ක් ලෙස සියළුම මන්‍ත්‍රීවරුන්ට හිමිවන බවයි.

ඉදිරියේදී ඉන්ධන දීමනාව වෙනුවට ඉන්ධන කාඩ්පත් ක්‍රමයක් හඳුන්වාදිය යුතු බවටද යෝජනාවක් කළ මන්ත්‍රීවරයා අවධාරණය කර සිටියේ වෛරී දේශපාලණයක නිරතවූ ජ.වි.ප මන්ත්‍රීවරු ලැබූ වැටුප වියදම් කළ ආකාරය රටට හෙළි කළ යුතු බවයි.

එමෙන්ම මන්ත්‍රීවරයා පසුගිය මාසයේ ලැබූ වැටුප වියදම් කළ ආකාරයද පැවසූ අතර මීරිගම පෙරහැරේ නැටුම් කණ්ඩායම් දෙකක් සඳහා රුපියල් 92,000ක් ගෙවූ බවත්, මීගමුව ප්‍රදේයේ ක්‍රීඩා සමාජයකට රුපියල් 15,00ක් ලබාදුන් බවත්, දිවුලපිටියේ ක්‍රීඩා තරඟයක් සඳහා රුපියල් 10,000ක් ලබාදුන් බවත්, රුපියල් 5,000 බැගින් පවුල් දෙකක් සඳහා පොත් මිලදී ගැනීමට ලබාදුන් බවත් සහ සැණකෙලියක් සඳහා රුපියල් 10,000ක් ලබාදුන් බවත් ය.

එමෙන්ම මෙවර වැටුපෙන්ද වේදිකා නාට්‍යක් සහ සංගීත සංදර්ශනයක් සඳහා සිය වැටුප ප්‍රදානය කිරීමට බලාපොරොත්තු වන බවත් ඔහු සඳහන් කළේය.

පාර්ලිමේන්තු මන්ත්‍රී රාමනාදන් අර්චුනා ඇතුළු කණ්ඩායමක් විසින් අද (31) ජනපතිවරයාගේ යාපනය සංචාරයට එරෙහිව විරෝධතාවක් සංවිධානය කර ඇති බව වාර්තා වේ.

කෙසේවෙතත් යාපනයේ කිසිම ස්ථානයක උද්ඝෝෂණ පැවැත්වීම තහනම් කරනා වාරණ නියෝගයක් ඉල්ලමින් යාපනය පොලීසිය යාපනය අධිකරණයට ඊයේ  (30) පෙත්සමක් ඉදිරිපත් කළේය.

අදාළ පෙත්සම මගින් පොලිසිය පෙන්වා දී ඇත්තේ අනුර කුමාර දිසානායක ජනාධිපතිවරයා හෙට යාපනයට පැමිණෙන විට යාපනයේ ස්වාධීන මන්ත්‍රී අර්චුනා අතුලු තවත් සංවිධාන කීපයක පිරිස උද්ඝෝෂණ හා විරෝධතා මාලාවක් සංවිධානය කොට ඇති බවට තොරතුරු ලැබී ඇති බවත් එවැනි යමක් සිදු වුවහොත් එය මහජන සාමයට හා නීතිය හා සාමය පවත්වා ගෙන යාමට බාධාවක් විය හැකි බැවින් එම උද්ඝෝෂණ වලට එරෙහිව අධිකරණ නියෝගයක් නිකුත් කරණ ලෙසයි.

කෙසේවෙතත් මේ පිළිබදව කරුණු විමසා බලා තීරණයක් ගැනීම පිණිස පොලීසිය විසින් එම පෙත්සමේ නම් සදහන් කොට ඇති පුද්ගලයින් කීප දෙනෙකුට අද ( 30) අධිකරණය හමුවේ පෙනී සිටින ලෙස යාපනය මහේස්ත්‍රාත්වරයා නියෝග කර ඇත.

ඊට අර්චුනා මන්ත්‍රීවරයාටද ඇතුළත් වෙයි.