Why is this happening (Sinhala)

සුනඛයෙකු ගෙල සිරකර අමානුෂික ලෙස ඝාතනය කිරීමේ සිද්ධියකට අදාළව කාන්තාවක් මාන්කුලම් පොලීසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවසුවේ මාන්කුලම් ප්‍රදේශයේ පදිංචි 48 හැවිරිදි කාන්තාවක් මෙලෙස අත්අඩංගුවට ගෙන ඇති බවයි.

සුරතල් බලු පැටවාගේ ගෙල කඹයකින් සිරකර අමානුෂික ලෙස ඝාතනය කර එහි ඡායාරූප සමාජ මාධ්‍ය ඔස්සේ පළ කර තිබූ අතර ඒ සම්බන්ධයෙන් පාර්ශව රැසක් දැඩි අප්‍රසාදය පළ කර තිබුණි.

සිද්ධිය සම්බන්ධයෙන් විමර්ශන ආරම්භ කළ මාන්කුලම් පොලීසිය විසින් සැකකාර කාන්තාව අත්අඩංගුවට ගෙන ඇති අතර සත්ත්ව හිංසා වැළැක්වීමේ පනත යටතේ ඇය අධිකරණයට ඉදිරිපත් කිරීමට නියමිත බව වාර්තා වේ.

මුලතිවු ඔට්ටුසුඩාන් සමථ මණ්ඩලයක් විසින් ලබාදුන් අමානුෂික තීන්දුවක් මත මෙම සුනඛයා ඝාතනය කර ඇති බව සමාජ මාධ්‍ය තුළ සඳහන්ව තිබුනි.

ඒකාබද්ධ ගොවි සංවිධානයේ සභාපති එස්.කේ.මහින්ද සමරවික්‍රම මහතා පවසන්නේ ආණ්ඩුව වී සඳහා මෙතෙක් සහතික මිලක් ප්‍රකාශයට පත් කර නැති බවත්, පුද්ගලික අංශයේ ව්‍යාපාරිකයන් කුඹුරටම පැමිණ අමු වී කිලෝව රුපියල් 150-170 අතර මුදලකට ගනිමින් සිටින බවයි.

එබැවින් පුද්ගලික අංශයට වී දෙනවා මිස තුට්ටු දෙකට මිලදී ගැනීමට බලා සිටිනා රජයට ලබා නොදෙන බවත් ඔහු පවසයි.

වැඩිදුරටත් අදහස් දැක්වූ ඒකාබද්ධ ගොවි සංවිධානයේ සභාපති එස්.කේ.මහින්ද සමරවික්‍රම මහතා,

“මේ වන විට බදගිරිය හා වලව කලාපයේ ඇතැම් කුඹුරුවල අස්වනු නෙළමින් තිබෙනවා පුද්ගලික අංශයේ ව්‍යාපාරිකයන් කුඹුරටම ඇවිත් වැඩි මිලට වී මිලදී ගන්නවා.

ගොවියා බලන්නේ තමන්ගේ අස්වැන්න වැඩි මිලකට අලෙවි කර ගන්නයි. මේ දිනවල අස්වනු නෙළන කුඹුරුවල වී පුද්ගලික අංශයෙන් වී කිලෝව රු.170 අරන් වේලලා හාල් කිලෝව රුපියල් 290-300 අතර මුදලකට විකුණනවා ආණ්ඩුවට මේක නවත්තගන්න බැරි එකේ කොහොමද වී වලට සහතික මිලක් දෙන්නේ. මේ අය විපක්ෂයේ ඉන්න කාලේ කියපු එකක්වත් බලයට ආවම කළේ නෑ.

දැන් රටේ වී අස්වනු නෙළමින් ඉන්නේ. ඉතින් රජය තවම කල් මරමින් ඉන්නවා වී සඳහා සහතික මිලක් ගන්න. මේ වෙන කොට මාධ්‍ය මගින් අපි දැක්කා රජය වී 130 විතර ගන්න හදනවා කියලා අපි වලව ගොවියෝ හැටියට කියනවා ගොවියගේ මේ අස්වැන්න තුට්ටු දෙකට ගන්න නම් රජය හදන්නේ එක වී ඇටයක් අපි රජයට දෙන්නේ නෑ.

ආණ්ඩුවේ ගබඩා වලින් වී ගන්නේ කබලේ දමලා බැද්ද වගේ වේලුවට පස්සේ. ඒ විතරක් නෙමේ ආණ්ඩුවේ ගබඩාවට වී ටික අරගෙන ගිහින් දවස් ගානක් පෝලිමේ ඉදලා ඒකේ සල්ලි ටික ගන්නත් තව දවස් ගානක් එ් අයගේ පස්සේ යන්න ඕනේ.

හැබැයි පුද්ගලික අංශය එහෙම නෑ. ඒ අය කුඹුරටම ඇවිත් තෙත බරෙන්මයි වී මිලදී ගන්නේ. වී කිලෝවක් 150-170 අතර මුදලකට. එතකොට ගොවියට වී වේලන කම්කරු කුලියත් කාලයත් දෙකම ඉතුරුයි.

ලොකු ලාභයකුත් ඇවිත් පුද්ගලික අංශයෙන් අමු වී ටික ගෙනිහින් වේලලා කොටලා වෙළෙඳපොළට දමනවා. ඇයි ආණ්ඩුවට බැරි මේ වේදයේ වැඩ පිළිවෙළක් හදන්න. ගොවියා ණය වෙලා මේ කුඹුරු කරලා තියෙන්නේ.

මේවගේ අස්වනු නෙළන කොට ණය කාරයෝ පස්සෙන් වනවා. ඒවා ගෙවන්න ඕනේ.ඒ නිසා ගොවියට වී රික විකුණන කොට එවෙලේ අතට සල්ලි ලැබෙන්න ඕනේ. ආණ්ඩුව මාධ්‍ය ඉස්සරහ ඉඳගෙන කයිවාරු ගැනුවට එක නිලධාරියෙකුවත් තවම ගොවි බිමකට ඇවිත් මේ ගැන හොයලා බලලා විමසලා නෑ.ගොවියගෙ දුක මේ ආණ්ඩුවටත් අද අමතක වෙලා තියෙනවා.

පසුගිය දින පැවති හම්බන්තොට දිස්ත්‍රික් ලේකම් කාර්යාලයේ පැවති කෘෂිකර්ම කමිටුවේදීත් මේ වී මිල සම්බන්ධයෙන් සාකච්ජා වුණා.එහිදී හම්බන්තොට දිස්ත්‍රික් ලේකම් වරයා කිව්වේත් ඉදිරියේදී වී සඳහා ස්ථාවර මිලක් නියම කරන්න රජය බලාපොරොත්තුවෙන් ඉන්න බවයි.පුද්ගලික අංශයේ අය වී මිලදීගෙන ඉවර වුණාම රජය වී වලට සහතික මිලක් නියම කරලා වැඩක් නෑ. ආණ්ඩුවෙන් වී ගත්තත් ගන්නේ එක් ගොවියෙකුගෙන් සීමා සහිත වූ කිලෝ ප්‍රමාණයක් විතරයි. ඒකේ සල්ලි ගන්නත් පෝලිමේ ඉන්න ඕනේ.

ගොවියගේ ඉතුරු වෙන වී ටික පුද්ගලික මෝල් හිමියන්ට දෙන්න වෙන්නෙ. එහෙම බැලුවම වී ටික එක සැමම පුද්ගලික අංශයෙන් වන ව්‍යාපාරිකයාටම දෙන එක ගොවියට වාසියි. ආණ්ඩුවෙන් වී ගත්තත් ඒවා කොටලා වෙළෙඳ පොළට වවන්න පුද්ගලික අංශයේ සහාය ගන්න වෙනවා.ඒ නිසා අපි රජයට කියනවා වහාම වී සඳහා සහතික මිලක් නියම නොකර මේ වීදියට කල් මරමින් ඉන්නවා නම් අපි රජයට එක් වී ඇටයක්වත් දෙන්නේ නෑ.”

අන්තර්ජාල නාලිකාවක් සමග සාකච්ඡාවකට එක්වෙමින් හිටපු එක්සත් ජාතික පක්ෂ පාර්ලිමේන්තු මන්ත්‍රී ආශු මාරසිංහ මහතා පවසන්නේ තමා එජාප කෘත්‍යධිකාරී මණ්ඩලයෙන් ඉවත් කොට ඇති බවයි.

ආශු මාරසිංහ මහතා හිටපු ජනාධිපති රනිල් වික්‍රමසිංහ මහතාගේ පාර්ලිමේන්තු කටයුතු පිළිබඳ උපදේශකවරයෙකු ලෙසද කටයුතු කළේය.

එක්සත් ජාතික පක්ෂ නායක රනිල් වික්‍රමසිංහ මහතා 2025 වසර වෙනුවෙන් ඔහුගේ නම කෘත්‍යාධිකාරී මණ්ඩලයට ඇතුළත් කර නොමැති බව ඔහු පවසයි.

මහ මැතිවරණයට පෙර සිටම එක්සත් ජාතික පක්ෂය සමගි ජන බලවේගය පක්ෂය සමඟ එකට එක්විය යුතු යයි තමන් ඇතුළු පක්ෂයේ පිරිසක් දැඩි ස්ථාවරයක සිටි බවත් රනිල් වික්‍රමසිංහ මහතාට සමීප පක්ෂයේ කිහිපදෙනෙකු එයට දැඩි ලෙස විරුද්ධ වූ බවත් ඔහු මෙම සාකච්ඡාවේදී පවසයි.

ඒ සම්බන්ධයෙන් මත ගැටුමක් පැවතිය නමුත් තමන් කෘත්‍යාධිකාරි මණ්ඩලයෙන් ඉවත් කළේ කුමන හේතුවක් නිසාදැයි මේ දක්වා තමන් දැනුවත් කර නොමැති බවත් ඔහු පවසයි.

පක්ෂ මහ ලේකම් තලතා අතුකෝරාල මහත්මියගෙන් මේ පිළිබඳව විමසූ අවස්ථාවේ ඇයද යම් ගැටළුවක් ඇති බව සඳහන් කළ ද එය කුමක්දැයි තමන්ට හෙළි නොකළ බව මාරසිංහ මහතා මෙම සාකච්ඡාවේදී සඳහන් කරයි.

මහනුවර ජාතික රෝහලේ වෛද්‍ය නිලධාරි, නීතිඥ පාලිත බණ්ඩාර සුබසිංහ මහතා පවසන්නේ, පාසල් දරුවන් අතර සමලිංගික ආදර සබඳතා ශීඝ්‍ර වර්ධනයක් සිදුව ඇති බවට තොරතුරු අනාවරණය වී ඇති බවයි.

වෛද්‍යවරයා පවසන්නේ, විරුද්ධ ලිංගික දූදරුවන් අතර සම්බන්ධතා හීන වී යෑමත්, දරුවන් හුදෙකලා ලෝකවල තනිවීමත්, ජංගම දුරකථන භාවිතය ඉහළ යෑමත් ඇතුළු කරුණු රැසක් මෙයට බලපා තිබෙන බවයි.

මෙම ගැටලුව සඳහා අධ්‍යාපන අමාත්‍යාංශය සෞඛ්‍ය අංශවල ද සහය ලබා ගනිමින් නිසි වැඩපිළිවෙළක් සකස් කළ යුතුව තිබෙන බවත් එය පාසල් මට්ටමින් විසඳුම් සෙවිය නොහැකි බවත් වෛද්‍ය පාලිත බණ්ඩාර සුබසිංහ මහතා පෙන්වා දෙයි.

පාසල් සිසුවියන් මානසික රෝග ප්‍රතිකාර සඳහා යොමුවීම ශීඝ්‍රයෙන් ඉහළ යමින් තිබෙන බව පෙනෙන්නට ඇතැයි ද ඊට ප්‍රධානම හේතුව වී ඇත්තේ මෙවැනි කරුණු බව ද වෛද්‍යවරයා ප්‍රකාශ කළේය.

දේශපාලන ආරංචි මාර්ග පවසන්නේ ඉදිරි මැතිවරණ සඳහා ශ්‍රී ලංකා නිදහස් පක්ෂය අත ලකුණ යටතේ තරග කළ යුතු බවට පක්ෂ සංවිධායකවරු දැඩි ස්ථාවරයක පසුවන බවයි.

ශ්‍රී ලංකා නිදහස් පක්ෂය කොටස් කිහිපකට බෙදී පවතින වාතාවරණයක් තුළ එක් පාර්ශ්වයක් පුටුව ලකුණින් ඉදිරි මැතිවරණ සඳහා තරග කළ යුතු බව පවසන අතර තවත් පාර්ශ්වයක් අත ලකුණින් තරග කළ යුතු බවට පවසා ඇත.

කෙසේවෙතත් බොහෝ පක්ෂ සංවිධායකවරුන්ගේ යෝජනාව වී ඇත්තේ ශ්‍රී ලංකා නිදහස් පක්ෂය නීත්‍යානුකූල භාවට පත්කර අත ලකුණ යටතේ තරග කළ යුතු බවයි.

අත ලකුණ යටතේ තරග කළ යුතු බවට මීට වසර කිහිපයකට පෙරම පක්ෂ සංවිධායකවරු සඳහන් කළද පක්ෂ නායකත්වට සහ පත්වූ ලේකම්වරුන්ගේ විවිධ මත අනුව එම කටයුතු ක්‍රියාත්ම නොවීය.

එහෙත් ඉදිරියේදී නිදහස් පක්ෂය යළි බලයක් ලබා ගනිමින් දේශපාලන ධාරාවේ සක්‍රීයව කටයුතු කිරීමට නම් අත ලකුණ යටතේ තරග කළ යුතු බවයි සංවිධායකවරුන් අවධාරණය කර ඇත.

අද (25) උදෑසන බෙලිඅත්ත අදිවේගී මාර්ග පිවිසුම අසලින් අත්අඩංගුවට ගත් හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා අපරාධ පරීක්ෂණ දෙපාර්තමේන්තුවට රැගෙන ඒමෙන් අනතුරුව නාමල් රාකපක්ෂ, ඩී වී චානක ඇතුළු පිරිසක් මීට සුළු මොහොතක පෙර අපරාධ පරීක්ෂණ දෙපාර්තමේන්තුව අසලට පැමිණියා.

එහිදී අදහස් දැක්වූ නාමල් රාජපක්ෂ මහතා,

“මම හිතන්නෙ බොහොම හොඳයි මොකද සෙනසුරාදා නිවාඩු දවසේ උදේම නැගිටලා නීතිපති උපදෙස් ක්‍රියාත්මක කරන්න කොළඹට ඇවිල්ලා නැති හින්දා හයි වේ එක දිගේ තංගල්ලට ඇවිල්ලා බෙලිඅත්ත එක්සිට් එකේ නතර කරල කට උත්තරයක් ලියාගෙන ජනතාවගේ බදු මුදල් සල්ලි වලින් පොලීසිය වාහන කීපයක දාල ආරක්ෂාව දීල කොළඹ සී අයි ඩී එකට ගෙනල්ල දැන් කට උත්තර ලියනවා.

පොලීසිය වැඩකරන්න ඕනෙ ඔය විදියට තමයි. හැබැයි ඔය විදියටම පාතාලය මර්ධනය කරන්නත් වැඩ කරානම් බෙලිඅත්ත ඔය එක්සිට් එකේම පස්දෙනෙක් මරල යනකම් පොලීසිය නොදැන ඉන්න විදියක් නෑ.

ඒ වගේම ඊයේ දිනයේත් පාතාලයෙන් ඇවිල්ලා ඝාතණය කිරීම් කරලා තියෙනවා, ඉතිහාසයේ වැඩිම ඝාතණ කිරීම් සිද්දවෙච්චි මාසේ හැටියට ජනවාරි මාසය පත්වෙලා තියනවා.

පොලීසිය දැන් දේශපාලන අවශ්‍යතාවය මත නීතිය ක්‍රියාත්මක කරන්න වෙන මහන්සිය ඔය විදියටම පාතාලේ මර්දනය කරන්න කටයුතු කරොත් බොහොම හොඳයි.

ඉතින් අපිට එන්න කිව්වනම් ඉරිද සෙනසුරාද සඳුදා කියපු වෙලාවට අපි ඇවිත් තියෙනවා. අපිට එන්නත් පුළුවන්. ඒත් පොලීසිය හිතන්න ඇති තංගල්ලට ඇවිල්ලා ආරක්ෂාව සහිතව එක්කන් ඇවිල්ල දැන් ශාක්ෂි ලියනවා.

පොලීසියටත් මම ස්තුතිවන්ත වෙනවා කොළඹ ඉඳන්ම තකහනියක් අපේ ගමට ඇවිල්ල ගමේ එක්සිට් එකේ නවත්තගෙන පොලිස් ආරක්ෂාව සහිතව කොළඹට එක්කන් ඇව්ල්ලා කටඋත්තර ලියන එක ගැන මම සතුටු වෙනවා.

ඒ නිසා අපි ආණ්ඩුවටත් කියන්නේ පොලීසියටත් කියන්නේ කරුණාකරලා නීතිය ක්‍රියාත්මක කරන්න හැබැයි නෝන්ඩි වෙන්න එපා”

මේ අතර යෝෂිත රාජපක්ෂ මහතා ඉතා සතුටින් අපරාධ පරීක්ෂණ දෙපාර්තමේන්තු යැයි පැසවෙන ස්ථානයක සිට පෙනී සිටි ඡායාරූපයක් සමාජ මාධ්‍ය පුරා පැතිර යයි. එහි සත්‍ය අසත්‍යතාව සම්බන්ධයෙන් පොලීසිය පාර්ශවයෙන් මෙතෙක් දැනුම් දී නැත.

එම ඡායාරූපය පහතින්.