By unusuma.lk on (LK time)
නිවේදනයක් නිකුත් කරමින් මැතිවරණ කොමිෂන් සභාව පවසන්නේ ඡන්ද හිමි නාමලේඛණය සඳහා ලියාපදිංචිවීම මෙවර මාර්ගතගත ක්‍රමය ඔස්සේ සිදු කරන බවයි.
මින් පෙර එම කටයුත්ත ග්‍රාම නිලධාරී මහතුන් විසින් ගෙයින් ගෙට ගොස් අදාළ ආකෘති පත්‍ර‍ය ලබාදීමෙනි.
ඒ අනුව මැතිවරණ කොමිෂන් සභාවේ නිල වෙබ්අඩවියට පිවිස පරිශීලක ගිණුමක් සකස් කර එහි “පුරවැසියන් සඳහා” යන යොමුව මඟින් “මාර්ගත ලියාපදිංචිය” යන සේවාව වෙත පිවිසීමෙන් මහජනතාවට ඡන්ද හිමි නාමලේඛනයට නම ඇතුළත් කර ගැනීම සඳහා ඉල්ලුම් කළ හැකි බව පැවසේ.
එසේම 2025.02.01 දිනට වයස අවුරුදු 18 සම්පූර්ණ නොවන නමුත් ජාතික හැඳුනුම්පත හෝ හැඳුනුම්පතේ තොරතුරු තහවුරු කිරීමේ ලිපිය සහිත යොවුන් පුරවැසියන් හට “පුරවැසියන් සඳහා” යන යොමුවෙහි “යොවුන් පුරවැසියන් ලියාපදිංචි කිරීම” යන e සේවාව මඟින් පිවිසී ඉදිරි ඡන්ද හිමි නාමලේඛනයන් හි ලියාපදිංචිවීම සඳහා ඉල්ලුම් කළ හැකි බවයි වැඩිදුරටත් සඳහන් වෙන්නේ.
එම නිවේදනය පහතින්,
