මෙරට මැතිවරණ නීති යම් ආකාරයකට වෙනස් විය යුතු බවත් මැතිවරණ ක්‍රමවේදය තුළ ඡන්දය නැවත කැඳවීමේ ක්‍රමවේදයක් නොැමැති බවත් ඒවා ප්‍රතිසංස්කරණය විය යුතු බවද මැතිවරණ කොමසාරිස් ජනරාල් සමන් ශ්‍රී රත්නායක සදහන් කරයි.
රටේ ජනතාවට මැතිවරණයේදී ලබාදුන් පොරොන්දු මැතිවරණයෙන් පසුව ඉටු නොවන්නේ නම්, ඒ සම්බන්ධව ප්‍රශ්න කිරීමට ඡන්දදායකයාට අයිතියක් ඇති බවද මැතිවරණ කොමසාරිස් ජනරාල් සමන් ශ්‍රී රත්නායක සදහන් කරයි.
මැතිවරණ කොමසාරිස් ජනරාල්වරයා සදහන් කළේ,
“අපේ රටේ තියෙන සම්ප්‍රධාය තමයි ඡන්දයක් තිබුණට පසු පත්කරගන්නවා, ආපහු අවුරුදු කිහිපයක් බැණ බැණ ඉන්නවා. ආපසු ඊළඟ ඡන්දෙදි අයෙම යනවා. ඕක තමයි ක්‍රමේ. අපි හිතන්නේ පත්කරගත්තට පස්සේ අපේ රාජකාරිය ඉවරයි කියන එක.
එහෙම නෑ. පුරවැසියෝ විදිහට අපට අනිවාර්ය වගකීමක් තියෙනවා අපි පත්කරගත් සභිකයනින් ලවා අපේ කාර්යභාරය කරවා ගැනීමට. එසේ නොකරනාවනම් ඒ සම්බන්ධයෙන් ප්‍රශ්න කිරීමට හැකියාව තිබෙනවා. අපේ රටේ නැවත ප්‍රශ්න කිරීමක් කෙරෙන්නේ නැවත ඡන්දයක් එනකම් විතරයි.
ඒකට මැතිවරණ නීතිත් යම් ආකාරයකට වෙනස් විය යුතුයි. අපේ රටේ නැවත කැඳවීමේ ක්‍රමවේදයක් අපේ මැතිවරණ ක්‍රමවේදය තුළ නෑ. ඒවා ප්‍රතිසංස්කරණය විය යුතු කාරණා. අලුත් මැතිවරණ නීති සංශෝධනයේදී ඒවා හඳුන්වාදිය යුතු කාරණා වෙනවා. අපේ රටේ ඡන්ද දායකින්ට වඩා පාරිභෝගිකයෝ ඉන්නේ.”
