By unusuma.lk on (LK time)
අද පස්වරුවේ පාර්ලිමේන්තුවේ පැවති පළාත් පාලන ආයතන ඡන්ද විමසීම් විශේෂ විධිවිධාන පනත් කෙටුම්පත විවාධය අතරතුර වත්මන් ආණ්ඩු පක්ෂයේ ප්‍රධාන සංවිධායක අමාත්‍ය නලින්ද ජයතිස්ස මහතා පැවසූවේ ඉතිහාසයේ කිසිම දිනක නොමැති තරමින් අද දින පාර්ලිමේන්තුවේ විපක්ෂ මන්ත්‍රීවරු මාධ්‍ය වෙත පිළිතුරු දීමට නොහැකිව අසරන වී සිටි බවයි.
ලෝකයේ කිසිම පාර්ලිමේන්තුවක විපක්ෂ මන්ත්‍රීවරුන්ට එසේ නොවේවායි තමා ප්‍රාර්ථනා කරනා බවද ජයතිස්ස මහතා සිනහවෙමින් පැවසීය.
අමාත්‍යවරයා පැවසූවේ සාමාන්‍යයෙන් පළාත් පාලන මැතිවරණ වැනි ඒවා කල් දමගැනීමට කටයුතු කරන්නේ ආණ්ඩු වන නමුත් මේ වතාවේ ඒ වෙනුවෙන් විපක්ෂය දැඩි සටනක නිරතවන බවයි.
එසේම සජබ මහලේකම්වරයා ඇතුළු පිරිස මැතිවරණය සඳහා ඇප මුදල් බැඳීමට මුදල් නොමැති බව පැවසුවද විපක්ෂ මන්ත්‍රීවරුන්ගෙන් බහුතරයක් ව්‍යාපාරිකයින් බවත් ඔවුන්ට යහමින් මුදල් ඇතිබවත් අමාත්‍යවරයා සිහිපත් කළේය.
වැඩිදුරටත් අදහස් දක්වමින් නලින්ද ජයතිස්ස මහතා කියා සිටියේ ඇප තැම්පත්කිරීම සඳහා කෝටි පහක් නැතිනම් කෝටි නවයයි ලක්ෂ 80ක් වන්දි ලබාගත් කෙහෙළිය රඹුක්වැල්ල මහතාගෙන් ඉල්ලා ගත හැකි බවයි.
“එක්කෙනෙක් වන්දි අරන් තියනවා නවකෝටි අසූ ලක්ෂයක්.. කෙහෙළිය රඹුක්වැල්ලගෙන් ඉල්ලගන්නකෝ.. කෙහෙළිය රජයේ මුදල්වලින් අරන් නැත්තේ අස්වැසුම විතරයි.. ඒකත් වෙන කෙනෙක්ගේ නමක් දාල ගත්තද දන්නේ නෑ.. ඒ ඇර ඔක්කොම අරගෙන තියෙනවා.. ඒක නිසා සල්ලි නෑ කියලා විහිළු කරන්න එපා.. ඒව හේතු නෙවේ..”
