ආණ්ඩු පක්ෂයේ ප්‍රධාන සංවිධායක අමාත්‍ය වෛද්‍ය නලින්ද ජයතිස්ස මහතා ඊයේ (27) පාර්ලිමේන්තුවේදී පැවසූවේ පසුගිය රජයන් පත්කළ ජනාධිපති කොමිෂන් සභා 14කට රුපියල් කෝටි 53 කට වැඩි මුදලක් (ලක්ෂ 5301ක්) වැය කර ඇති බවයි.
එම පත්කළ කමිටු 14ක් විසින් ඉදිරිපත් කර ඇති නිර්දේශ අතරින් ක්‍රියාත්මක කර ඇත්තේ පසුගිය අරගල සමයේදී මන්ත්‍රීවරුන් ඇතුළු පිරිසේ දේපළ හානි වීම් පිළිබඳව සෙවූ ජනාධිපති කොමිෂන් සභාවේ වාර්තාව පමණක් බවද නලින්ද ජයතිස්ස මහතා සඳහන් කළේය.
මේ අතර හිටපු ජනාධිපතිවරුන් රැක බලා ගැනීමට 2024 දී පමණක් රුපියල් කෝටි 11 කට වැඩි මුදලක් වැය කර ඇතැයි කී ජයතිස්ස මහතා රනිල් වික්‍රමසිංහ සහ ගෝඨාභය රාජපක්ෂ කාලයේ ආණ්ඩු පක්ෂ සංවිධායකවරුන් හය දෙනාට කෝටි 37 කට වැඩි මුදලක් වැය කර ඇතැයි ද සඳහන් කළේය.
ජයතිස්ස මහතා මෙසේ පැවසුවේ ජනාධිපති, අගමැති උපරිමාධිකරණ විනිශ්චයකාරවරුන් ඇතුළු ආයතන සහ පුද්ගලයන්ගේ වැය ශීර්ෂ පිළිබඳ විවාදයේදීය.
