By unusuma.lk on (LK time)
ගණේමුල්ල සංජීව ඝාතන සිදුවීමෙන් පසු අලුත්කඩේ අධිකරණ සංකීර්ණයට පැමිණි නියෝජ්‍ය ඇමැතිවරයා ඉන් පිටත්ව යාමේදී තම රියැදුරුට කළ බව කියන ආමන්ත්‍රණය සුදුසුදැයි අද පැවති කැබිනට් තීරණ දැනුම්දීමේ මාධ්‍ය හමුවේදී කැබිනට් ප්‍රකාශක අමාත්‍ය නලින්ද ජයතිස්ස මහතාගෙන් මාධ්‍යවේදියෙකු විමසීය.
ඊට පිළිතුරු ලබාදෙමින් කැබිනට් මාධ්‍ය ප්‍රකාශක නලින්ද ජයතිස්ස මහතා පැවසූවේ මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍ය නීතිඥ සුනිල් වටගල තම රියැදුරුට ‘බූරුවා’ යනුවෙන් ආමන්ත්‍රණය කිරීම සම්බන්ධයෙන් කණගාටුව පළ කරන බවයි.
“කලබලකාරී ආතතිකාරී තත්ත්වයකදී පවා ඔහුගේ මුවින් පිට වූ වචන ගැන මම කණගාටුව පළ කරනවා” යැයි අමාත්‍යවරයා සඳහන් කළේ ය.
