By unusuma.lk on (LK time)
ඊයේ (15) කොළඹදී ජාතික ජන බලවේගයට බහුතරය හිමි නොවූ පළාත් පාලන ආයතනවල විපක්ෂයේ දේශපාලන පක්ෂ එක්ව බලය පිහිටුවීම සම්බන්ධයෙන් තවත් සාකච්ඡාවක් පැවැත්වුණි.
එහි විශේෂත්වය වූයේ, පළාත් පාලන ආයතන 13ක ජය තහවුරු කර ගැනීමට හැකි වූ සමගි ජන බලවේගය සහ ශ්‍රී ලංකා පොදුජන පෙරමුණ යන විපක්ෂයේ ප්‍රධාන දේශපාලන පක්ෂ ඊට සහභාගී නොවීමයි.
එක්සත් ජාතික පක්ෂ නායක රනිල් වික්‍රමසිංහගේ ප්‍රධානත්වයෙන්, විපක්ෂය නියෝජනය එක්සත් ජාතික පක්ෂය, ශ්‍රී ලංකා නිදහස් පක්ෂය, පොදුජන එක්සත් පෙරමුණ ඇතුළු පක්ෂවල මහ ලේකම්වරුන් ඊට සහභාගී වූහ.
නමුත් සමගි ජන බලවේගය සහ ශ්‍රී ලංකා පොදුජන පෙරමුණ යන විපක්ෂයේ ප්‍රධාන දේශපාලන පක්ෂ දෙකෙහි , පක්ෂ මහ ලේකම්වරුන්ගේ මෙම සාකච්ඡාවට සහභාගි වී තිබුණේ නැහැ.
පසුගිය පළාත් පාලන ආයතන ඡන්ද විමසීමේදී කිසිදු පක්ෂයක් බහුතර සභික සංඛ්‍යාව 50% ඉක්මවු හෝ 50% ප්‍රතිශතයක් ලබාගැනීමට අපොහොසත් වුණා.
ඒ හේතුවෙන් පළාත් පාලන ආයතනයන් හි බලය පිහිටුවීම සඳහා දේශපාලන පක්ෂ එක්ව කටයුතු කිරීම වෙනුවෙන් පසුගියදා මෙම සාකච්ඡා ආරම්භ කෙරුණා.
එමෙන්ම පළාත් පාලන ආයතනවල බලය පිහිටුවීම සඳහා විපක්ෂ නායක සජිත් ප්‍රේමදාස මහතා සමග හෙට (17) දිනයේ සාකච්ඡා කිරීමට විපක්ෂයේ පක්ෂ ලේකම්වරු එකඟ වී තිබෙනවා.
