දුම්කොළ, දුරකථන හා බැටරි බන්ධනාගාරයට පියඹලා ඇවිත්.!

බන්ධනාගාරයේ තාප්පයට ඉහළින් වීසිකරන ලද පාර්සලයක තිබී ජංගම දුරකතන 3ක්, දුම්කොළ 17ක් හා දුරකථන බැටරියක් වව්නියාව බන්ධනාගාර නිලධාරීන් විසින් අත්අඩංගුවට ගෙන ඇත.

රාජකාරියේ නියුතු නිලධාරීන් එම පාර්සලය ලිහා බැලීමේදී තහනම් ද්‍රව්‍ය හා උපකරණ තොගය හමු වී ඇතැයි බන්ධනාගාර මාධ්‍ය ප්‍රකාශක ගාමිණී දිසානායක සදහන් කරයි.

බන්ධනාගාරය තුළ සීමිත නිලධාරීන් පිරිසක් රාජකාරි කටයුතු වල යෙදෙන වේලාවන් බලා තාප්පයට පිටතින් මෙම පාර්සලය විසි කරන්නට ඇතැයි සැක කරන බවද ඔහු සදහන් කරයි.

අත්අඩංගුවට ගනු ලැබූ පාර්සලයේ තිබී පිටතට ගත් ද්‍රව්‍ය හා උපකරණ බන්ධනාගාර හදිසි ප්‍රතිචාර හා උපක්‍රමික බළකාය වෙත භාරදුන් බවද ඔහු සදහන් කරයි.

පාර්සලය විසිකර ඇත්තේ කවුරුන්ද යන්න හා ඒවා ඇත්තේ කාටද යන්න මෙතෙක් හෙළි වී නැති අතර වවුනියාව බන්ධනාගාරය වැඩිදුර පරීක්ෂණ පවත්වයි.