By unusuma.lk on (LK time)
‘වායු විමෝචන භාරකාර අරමුදලේ’ අධ්‍යක්ෂ දසුන් ගමගේ මහතා පුවත්පතකට පිළිතුරු දෙමින් පවසන්නේ, ලංකා ගමනාගමන මණ්ඩලයේ බස් රථවලින් 50%ක් පමණ පසුගිය වසරේදී දුම් පරීක්ෂණය මඟහැර ඇති බවයි.
රුපියල් ලක්ෂ 170කට වැඩි පිරිවැයක් දරා දුම් පරීක්ෂණ උපකරණ ලංගම වෙත ලබාදී ඇති පසුබිමක මෙසේ රජයේ බස් රථ දුම් පරීක්ෂාව මඟහැර ඇති බව ඔහු පවසයි.
වාහනවලින් නිකුත් වන අහිතකර දුම නිසා පළමු ගොදුර බවට පත්වනුයේ රථ වාහන පරීක්ෂාවේ යෙදෙන පොලිස් නිලධාරීන් බවත් රථ වාහන පනතට අදාළ නැති උපකරණ ගැලවීමට කටයුතු කළද වාහන දුම් සම්බන්ධයෙන් පොලීසිය අවධානය දක්වා නැති බව මෙයින් පැහැදිලි වන්නේ යැයිද ඒ මහතා පවසයි.
වසරකට ශ්‍රී ලංකාවේ රථ වාහන ලක්ෂ 76ක් පමණ දුම් පරීක්ෂාවට ලක් කරන අතර ඉන් ලක්ෂ 10කට වැඩි ප්රමාණයක් පළමු වටයෙන් අසමත් වන බව ඔහු පවසයි.
පසුගිය වසරේදී රථ වාහන 225ක් දුම් පරීක්ෂණ අසමත්වීම හේතුවෙන් අසාධු ලේඛනගත කර ඇති අතර ඉන් වැඩි ප්රමාණයක් ඩීසල් වාහන බවද ගමගේ මහතා වැඩිදුරට ත් පැවසීය.
