By unusuma.lk on (LK time)
මේ වනවිට ශ්‍රී ලංකාව තුළ දැවැන්ත ගැටළුවක්ව පවතින රිය අනතුරු හේතුවෙන් අහිමි වන ජීවිත සංඛ්‍යාව දිනකට 5-10 අතර අගයක පවතී.
අද (22) පාර්ලිමේන්තුවේදී මේ පිළිබඳව අදහස් දැක්වමින් ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍ය බිමල් රත්නායක මහතා පැවසූවේ මාර්ග සංවර්ධන අධිකාරිය සමඟ එක්ව බහුල වශයෙන් එවැනි අනතුරු සිදුවන ස්ථාන හඳුනාගෙන ඊට පිළියම් යෙදීමේ ව්‍යාපෘතියක් ආරම්භ කර ඇති බවයි.
“Black Spots” ලෙසෙන් හඳුන්වන මහාමාර්ග පද්ධතියේ ඇති එවැනි අනතුරුදායක ස්ථාන බොහොමයක් මේ වනවිට හඳුනාගෙන ඇති බවත් ඒ අතරින් බිලියන ගණනක ආයෝජනයන් අවශ්‍ය ස්ථාන කිහිපයක් හැර අනෙකුත් සියළුම ස්ථාන කඩිනමින් නිවැරදි කිරීමට අවශ්‍ය කටයුතු සිදුකෙරෙමින් පවතින බවත් අමාත්‍යවරයා සඳහන් කළේය.
පසුගියදා ලෝක බැංකුවේ නියෝජිතයන් පිරිසක් මෙරට සිදුකළ සංචාරය අතරතුර එම ව්‍යාපෘතිය සම්බන්ධයෙන් පැසසුම් එක් කළ බවත් අමාත්‍යවරයා එහිදී වැඩිදුරටත් පැවසීය.
