By unusuma.lk on (LK time)
ජනප්‍රිය පාසලක සිසුන් පිරිසක විසින් තවත් පාසල් කීපයක සිසුන් එකතු කරගෙන සකසා ගත් සමාජ මධ්‍ය ජාලයක් ඔස්සේ විවිධ විෂමාචාර ක්‍රියා සිදු කරගෙන යන බවට තොරතුරු හෙළි වී තිබේ.
ඉංග්‍රීසි භාෂාවේ අක්ෂර තුනකින් සමන්විත එම සමාජ මාධ්‍ය ජාලයට යාපනයේ පාසල්වල 10 හා 11 යන ශ්‍රේණිවලට අයත් සිසුන් පමණක් නොව සිසුවියන් ද විශාල ප්‍රමාණයක් සිටින බව යාපනයේ ස්වේච්ඡා සංවිධාන පෙන්වා දෙයි.
මෙම සමාජ මාධ්‍ය ජාලයේ සාමාජික සාමාජිකාවන් විසින් නිරුවත් ඡායාරූප, වීඩියෝ හා වෙනත් ලිංගික දර්ශන හුවමාරු කර ගන්නා බවට ද එම සාමාජිකයින්ගේ පෞද්ගලික ලිංගික ක්‍රියාකාරකම් ද හුවමාරු කරගෙන ඇති බවට ද තොරතුරු හෙළි වී තිබේ.
මීට අමතරව ඔවුන් විසින් සාමාන්‍ය සාද පැවැත්වීමටත් මත්පැන් හා මත්ද්‍රව්‍ය යොදා ගන්නා සාද පැවැත්වීමටත් මෙම සමාජ මාධ්‍ය ජාලය උපයෝගී කරගෙන ඇති බව යාපනයේ ස්වේච්ඡා සංවිධාන ප්‍රකාශ කරයි.
නිවෙස්වලට හොරෙන් කෙටි චාරිකා යාමට ද මෙම සමාජ මාධ්‍ය ජාලය යොදාගෙන තිබේ.
මේ පිළිබඳව වහාම සොයා බලා එම සිසුන්ට යම් දැනුවත් කිරීමක් සිදු කරන ලෙස යාපනයේ ස්වේච්ඡා සංවිධාන සමාජ මාධ්‍ය ජාලය මෙහෙයවන යාපනයේ අදාළ පාසලේ බලධාරීන්ගෙන් ඉල්ලීමක් කර තිබේ.
දිනසේන රතුගමගේ – Divaina
