By unusuma.lk on (LK time)
පසුගිය වසර තුළ ළමා සියදිවි හානි කරගැනීම් 200කට අධික ප්‍රමාණයක් වාර්තා වී ඇති බවත් ළමා සියදිවි හානි කරගැනීම් ඉහළ යෑමට හේතුව සමාජ මාධ්‍යය භාවිතය බව ශ්‍රී ලංකා ප්‍රජා වෛද්‍ය සංගමය සදහන් කරයි.
එහි සභාපති විශේෂඥ වෛද්‍ය කපිල ජයරත්න සදහන් කළේ,
“2022 වසරේ 18ට අඩු දරුවන් 133 දෙනෙක් සියදිවි හානි කරගෙන තිබෙනවා. නිල නොවන දත්ත අනුව ගිය වසරේ 270ක් කියලා කියනවා. මේ සියලුම දේවලට විවිධ හේතු තියෙනවා. මේකට ගන්න පුළුවන් එක පියවරක් තමයි සමාජ මාධ්‍ය කොයි විදියටද තහනම් කරන්නේ කියන එක.
රටක් වශයෙන් කුමක් කළ යුතුද කියන කරුණු ගැන තොරතුරු රැස් කරලා තියෙනවා. තව සතියකින් දෙකකින් මේ පිළිබඳව අපි තොරතුරු අනාවරණය කරන්න බලාපොරොත්තු වෙනවා. සමාජ මාධ්‍ය භාවිතයේ වාසි අවාසි දෙකම තිබෙනවා දරුවන්ට. මේක පාලනය කිරීම සම්බන්ධයෙන් නිර්දේශ ඉදිරිපත් කරන්න අපි බලාපොරොත්තු වෙනවා.”
