By unusuma.lk on (LK time)
දෝෂාභියෝගයට ලක්ව සිටින දකුණු කොරියානු ජනාධිපති යූන් සුක් යෝල් (Yoon Suk Yeo) දකුණු කොරියානු දූෂණ විරෝධී විමර්ශකයින් විසින් අත්අඩංගුවට ගෙන ඇත.
යූන් සොක් යෝල් රැගත් සන්නද්ධ රථ කිහිපයක් ඔහුගේ නිවසින් පිටව යන ආකාරය විදෙස් මාධ්‍ය විසින් වාර්ථා කර ඇත.
විමර්ශකයින් ඔහුගේ නිල නිවස වෙත අද (15) උදෑසන අත්අඩංගුවට ගැනීමේ වරෙන්තුව ක්‍රියාත්මක කිරීම සඳහා ඇතුළු වූ බව වාර්තා වේ.
යූන් සුක් යෝල් ජනාධිපතිවරයා මුල් වරට අත්අඩංගුවට ගැනීමට යාමේදී ඔහුගේ ආරක්ෂක අංශ හා පාක්ෂිකයන් විසින් වලක්විමත් සමඟ අධිකරණය විසින් කලින් වරෙන්තුවක් දීර්ඝ කිරීමට අවසර ලබා දී තිබුණි.
ජනාධිපතිවරයා අත්අඩංගුවට ගැනීමත් සමඟ නිල නිවසින් පිටත ජනතාව එක් රැස්ව සිටි අතර, අවට ආරක්ෂාව සඳහා පොලිසිය නිලධාරීන් 1,000 ක් පමණ යොදවා ඇත.
පසුගිය 31වැනි දා දෝෂාභියෝගයක් හේතුවෙන් දකුණු කොරියානු ජනාධිපති යූන් සුක් යෝල් අත්අඩංගුවට ගැනීම සඳහා වරෙන්තුවක් නිකුත් කරන ලදී.
