By unusuma.lk on (LK time)
පසුගිය මාර්තු මාසයේ ගලාපිටගල, මරදන්කඩවල ප්‍රදේශයේදී මාර්ග අනතුරකට ලක්ව එක් දළක්ද බිඳී ගිය ‘සුමේධ’ නම් ඇතා බියට පත්ව කැලෑ වැදීමෙන් පසුව මෙතෙක් අතුරුදන්ව සිටි අතර ඊයේ (10) දිනයේ මින්නේරිය ජාතික උද්‍යානයේදී දැක ගැනීමට හැකි වූ බව නිලධාරීන් තහවුරු කර ඇත.
ජාතික උද්‍යාන දෙපාර්තමේන්තුවේ ප්‍රකාශකයෙකු පවසා ඇත්තේ සුමේධ යැයි විශ්වාස කෙරෙන ඇතා ඊයේ (10) දැක ගැනීමට හැකි වූ බවයි.
සුමේධා ලොරි රථයක් සමඟ ගැටීමකින් පසුව අතුරුදහන් විය. මෙම සිදුවීමෙන් පසුව විශේෂ කාර්ය බලකාය සහ වනජීවී නිලධාරීන් එක්ව පුළුල් සෙවීමේ මෙහෙයුමක් සිදු කරන ලදී.
අනතුරෙන් පසුව ගැලවී ගිය හස්තියාගේ දළයක් වනජීවී සංරක්ෂණ දෙපාර්තමේන්තුව විසින් ආරක්ෂිතව ගබඩා කර ඇත.
කෙසේවෙතත් හස්තියා හොඳ සෞඛ්‍ය තත්ත්වයකින් පසුවන බව වාර්තා වෙයි.
