ගාල්ලේ යකා නැටූ සුද්දා සහ ටිල්ලා ගැන තවත් තොරතුරු.!

බන්ධනාගාර දෙපාර්තමේන්තුව පවසන්නේ ගාල්ල බන්ධනාගාරයේ රැඳවියන් දෙපිරිසක් අතර ඇතිවූ ගැටුම සම්බන්ධයෙන් විමර්ශනයක් ආරම්භ කර ඇති බවයි. 

මත්ද්‍රව්‍ය ජාවාරම්කරුවන් සහ සංවිධානාත්මක අපරාධකරුවන් වන කරන්දෙනියේ සුද්දා හා රත්ගම ටිල්ලාගෙ බන්ධනාගාර ගත සමීපතමයන් අතර එම ගැටුම හටගෙන ඇති බව වාර්තා වෙයි.

ගාල්ල බන්ධනාගාරය තුළ කරන්දෙනියේ සුද්දාගෙ සමීපතමයන් 200 දෙනෙකු පමණ එහි ‘ඒ’ වාට්ටුවේත් රත්ගම ටිල්ලාගේ සමීපතමයන් 50 දෙනෙකු පමණ එහි ‘සී’ වාට්ටුවේ රඳවා සිටින බව පැවසේ.

පළමුව රත්ගම ටිල්ලාගේ සමීපතමයන් කිහිප දෙනෙකු කරන්දෙනියේ සුද්දාගේ සමීපතමයෙකුට පහරදී ඇති අතර පසුව කරන්දෙනියේ සුද්දාගේ සමීපතමයන් කිහිප දෙනෙකු රත්ගම ටිල්ලාගේ සමීපතමයන් කිහිප දෙනෙකුට පහරදී ඇත.

එහිදී තුවාල ලැබූ රත්ගම ටිල්ලාගේ සමීපතමයන් තිදෙනකු සහ කරන්දෙනියේ සුද්දාගේ සමීපතමයෙකු බන්ධනාගාර නිලධාරීන්ගේ ආරක්ෂාව යටතේ ගාල්ල ජාතික රෝහලේ නේවාසිකව ප්‍රතිකාර ලබන බව වාර්තා වෙයි.