දුම්රිය ධාවනය ගැන රජයෙන් තීරණයක්.!

ඉලෙක්ට්‍රික් දුම්රිය ලංකාවට ගෙන්වීමට පෙර දැනට දුම්රිය ධාවනය ප්‍රමාද වීම වැළැක්වීම සදහා දෛනිකව එක්කරන දුම්රිය එන්ජින් ප්‍රමණය ඉහළ නැංවීමට කටයුතු කරන බව ප්‍රවාහන සහ මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන සදහන් කරයි.

දුම්රිය සේවයේ ගුණාත්මකභාවය වැඩි කිරීමට නම් දුම්රිය නියමිත වේලාවට ධාවනය කළ යුතු බවත් ඒ සදහා රජය අවධානය යොමුකර තිබෙන බවද නියෝජ්‍ය අමාත්‍ය වෛද්‍ය ප්‍රසන්න ගුණසේන සදහන් කරයි.

නියෝජ්‍ය අමාත්‍ය වෛද්‍ය ප්‍රසන්න ගුණසේන සදහන් කළේ,

“ඉලෙක්ට්‍රික් දුම්රිය ගේන්න කලින් ලංකාවේ දුම්රිය වාර කැන්සල් වෙන එක නවත්වන්න ඕනේ. දෛනිකව දුම්රිය වාර 217ක් 220ක් වගේ යනවා. පහුගිය කාළේ එකෙන් 17ක් 18ක් 20ක් වගේ කැන්සල් වුණා.

අපි පුළුවන් තරම් බලන්න ඕනේ කැන්සල් වෙන එක නතර කරන්න. එකට කරන්න ඕනේ දුම්රිය එන්ජිම් ටික ධාවන මට්ටමේ තියා ගන්න ඕනේ. සාමාන්‍යයෙන් දෛනික ධාවනයට ලංකාවට ඕනේ වෙනවා දුම්රිය එන්ජින් 60ක් 70ක් විතර.

නමුත් පසුගිය කාලේ 45ක් 50ක් විතර සැපයුම තිබුණේ. අපි බලනවා මේක වැඩි කරන්න. ඒක සාර්ථක වෙමින් පවතිනවා. පෙබරවාරි මාසේ අන්තිම වෙනකොට දෛනික ධාවනයට යොදන එන්ජින් ප්‍රමාණය 60කට වඩා වැඩි ප්‍රමාණයක් තියාගන්න.

ඒ වගේම දවකට කැන්සල් වෙන ප්‍රමාණය අඩු කරන්න. ලංකාවේ ධාවනය වෙන දුම්රිය වලින් 52%ක් විතර දෛනිකව ධාවනය වෙනවා. 17%ක් විනාඩි 10කට වඩා පරක්කු වෙලා යන්නේ. 10%ක් පැය භාගයකට වඩා පරක්කු වෙලා යන්නේ.”