By unusuma.lk on (LK time)
අනුර කුමාර දිසානායක මහතා ජනාධිපති ධූරයට පත්වීමෙන් අනතුරුව ශ්‍රී ලාංකීය දේශපාලන ඉතිහාසය තුළ සිදුවූ කලු අපරාධ සහ ඝාතන සබන්ධයෙන් සාකච්ඡාවක් මතුවී ඇති අයුරින්ම ඩොනල්ඩ් ට්‍රම්ප් ඇමරිකාවේ නැවත වතාවක් බලයට පත්වීමෙන් අනතුරුවද එරට තුළද එවැනිම සාකච්ඡාවක් මතුව තිබේ.
එක්සත් ජනපද ඉතිහාස ඉතිහාසයේ වඩා සුවිශේෂී වූ ඝාතන ත්‍රිත්වයක් සම්බන්ධයෙන් වූ රහසිගත ලේඛන ඉදිරිපත් කරන ලෙස ජනාධිපති ඩොනල්ඩ් ට්‍රම්ප් නිලධාරීන්ට නියෝග කර තිබේ.
ඒ අනුව ජෝන් එෆ් කෙනඩි, රොබට් එෆ් කෙනඩි සහ මාටින් ලූතර් කිං ජූනියර්ගේ ඝාතන තුනට අදාළ ලේඛන වර්ගීකරණය කිරීමට සැලසුම් කරන ලෙස දැනුම් දී ඇති අතර දින 15 ක් ඇතුළත අදාළ ලේඛන ඉදිරිපත් කරන ලෙසද නියෝග කර තිබෙන බවද විදෙස් මාධ්‍ය වාර්තා කරයි.
පසුගිය බ්‍රහස්පතින්දා ඕවල් කාර්යාලයේ වාර්තාකරුවන්ට ට්‍රම්ප් පවසා ඇත්තේ “බොහෝ ජනතාව මෙය දශක ගණනාවක් තිස්සේ බලා සිටින දෙයක්“ බවටයි. ඒ අනුව මේ ලේඛන තුළින් ඒ සියල්ල හෙළිවනු ඇතැයි ට්‍රම්ප් සදහන් කර ඇත.
හිටපු ජනාධිපති ජෝන් එෆ් කෙනඩි 1963 දී ඩලාස්හිදී ඝාතනය වූ අතර එසේම ඔහුගේ සොහොයුරු රොබට් එෆ් කෙනඩි 1968 කැලිෆෝනියාවේ ජනාධිපති අපේක්ෂකත්වය සඳහා තරඟ කරමින් සිටියදී ඝාතනය කරන ලදී.
අමෙරිකාවේ වඩාත්ම ප්‍රසිද්ධ සිවිල් අයිතිවාසිකම් නායකයා වන මාටින් ලූතර් කිං, ද 1968 දී ඝාතනය විය.
මෙම ඝාතනවලට අදාළ විමර්ශන සම්බන්ධ බොහෝ ලියකියවිලි වසර ගණනාවක් තිස්සේ නිකුත් කර ඇතත් තවමත් ජනතාව තුළ ඇත්තේ නොවිසිදුණූ අබිරහසකි.
