By unusuma.lk on (LK time)
ජනපති ඩොනල්ඩ් ට්‍රම්ප් ප්‍රමුඛ නව අමෙරිකානු පරිපාලනය විසින් පිටුවහල් කිරීමට නියමිත විදේශිකයන් අතර ශ්‍රී ලාංකිකයින් 3065 දෙනෙකු සිටින බව එරට සංක්‍රමණික සහ රේගු බලාධිකාරිය නිවේදනය කර ඇත.
ඇමරිකාව තුළ නීතිවිරෝධී ලෙස රැඳී සිටින සංක්‍රමණිකයන්ට එරෙහි එරට නව රජයේ වැඩ පිළිවෙල මත මෙම තීරණය ගෙන ඇති බව සඳහන්.
ලොව පුරා රටවල් රැසකින් පැමිණ අමෙරිකාවේ නීතිවිරෝධී ලෙස රැඳී සිටින දාහතර ලක්ෂ 45,549ක ලැයිස්තුවක් නව අමෙරිකානු පරිපාලනය විසින් මේ වනවිට සකස් කර තිබේ.
ඊට ඇතුළත් කර ඇත්තේ අමෙරිකාවෙන් ඉවත් කිරීමේ අවසාන ලැයිස්තුවට අයත් විදේශිකයන් සංඛ්‍යාව බව සදහන්.
එහිදී අමෙරිකානු රජයේ පියවරට සහාය නොදක්වන රටවල් ලැයිස්තුවක් ද දක්වා නමුත් ඊට ශ්‍රී ලංකාව අයත්ව නොමැත.
