By unusuma.lk on (LK time)
අමෙරිකාවේ ට්‍රම්ප් පරිපාලනය විසින් එරට විද්‍යාත්මක පර්යේෂණ ක්ෂේත්‍රයට අදාළව ගෙන ඇති සංශෝධනවලට විරෝධය පළ කරමින් සැන් ෆ්‍රැන්සිස්කෝ නගරයේදී විරෝධතාවක් පැවැත්වුණි.
අමෙරිකානු ජනාධිපති ඩොනල්ඩ් ට්‍රම්ප් විධායක නියෝග රැසකට අත්සන් තැබුවේ සිය දෙවැනි ධුර කාලය අරඹමිනි.
ඒ අනුව, විද්‍යාත්මක පර්යේෂණ සඳහා මූල්‍යාධාර ලබා දීම අවලංගු කිරීමටත් ට්‍රම්ප් පරිපාලනය පියවර ගත්තේ එම ක්ෂේත්‍රයේ වෘත්තිකයින් රැසකට සිය රැකියා අහිමි කරමින්ය.
ඒ අනුව විද්‍යා පර්යේෂණ ක්ෂේත්‍රයට සම්බන්ධ වෘත්තිකයින් කැලිෆෝනියා ප්‍රාන්තයේ සැන් ෆ්‍රැන්සිස්කෝ හී දී විරෝධතාවේ නිරත වූ අතර විරෝධතාකරුවන් දහසක් පමණ ට්‍රම්ප්ට එරෙහි මෙම රැළියට එක්ව සිටියේය.
මෙම විරෝධතාව නම් කර තිබුණේ “ස්ටෑන්ඩ් අප් ෆෝ සයන්ස්” (STAND UP FOR SCIENCE) නමින්ය.
විද්‍යාත්මක පර්යේෂණ සඳහා ලබාදෙන ආධාර කප්පාදු කිරීම සම්බන්ධයෙන් ජනපති ට්‍රම්ප්ට සහ ඔහුගේ සමීපතම පාර්ශ්වකරුවා වන ඊලෝන් මස්ක්ට වෘත්තිකයින්ගෙන් එල්ල වී තිබුණේ දැඩි විරෝධයකි.
ධුරයට පත්වීමත් සමග එක්සත් ජාතීන්ගේ ලෝක කාලගුණ විපර්යාස සංවිධානයෙන් ඉවත් වීමට ට්‍රම්ප් පියවර ගත්තේය.
ගෝලීය කාලගුණ පර්යේෂණ සඳහා අමෙරිකානු විද්‍යාඥයින් සම්බන්ධ වීම වැළැක්වීමටත් ට්‍රම්ප් පරිපාලනය පියවර ගත්තේ ඒ සමගයි.
එමෙන්ම කෘෂි විද්‍යාව හා තාක්ෂණය සම්බන්ධ පර්යේෂණායතනයට මෙන්ම ආර්ථික පර්යේෂන සේවයට අනුබද්ධ වෘත්තිකයින් ඉවත් කිරීමටත් ට්‍රම්ප් පරිපාලනය පියවර ගත්තේය.
ට්‍රම්ප්ගේ මෙම පියවර සම්බන්ධයෙන් එම ක්ෂේත්‍රවලට සම්බන්ධ වෘත්තිකයින්ගෙන් එල්ල වී ඇත්තේ දැඩි විරෝධයකි.
එහේ ඉන්න අපේ එවුන් ටික සෙට් වෙලා ට්‍රම්ප් ගෝ ගමක් වත් පටාං ගනී වත් ද🤣🤣🤣
ට්රමිප්🐄🐂🐃🦬රනිල්🦬🐃🐂🐄වෙනසක් නැත ?????