By unusuma.lk on (LK time)
දේශීය සංචාරකයන් දිරිමත් කිරීම සඳහා දේශීය ගුවන් ගමන් වාර වැඩි කිරීමට අවශ්‍ය සැලසුම් සකස් කරමින් සිටින බව ප්‍රවාහන, මහා මාර්ග හා සිවිල් ගුවන් සේවා අමාත්‍ය බිමල් රත්නායක සදහන් කරයි.
ලංකාවේ ගුවන් ගමන් පිළිබඳ නීති තිබෙන බවත් එම නීති සංශෝධනය කළ යුතු බවත් දේශීය ගුවන් ගමන්වලට ගැළපෙන පරිදි නීති සකස් කිරීමට අවශ්‍ය බවත් ඒ සඳහා අවශ්‍ය පියවර ගන්නා බව අමාත්‍යවරයා සදහන් කරයි.
අමාත්‍ය බිමල් රත්නායක සදහන් කළේ,
“ශ්‍රී ලංකාවේ දේශීය සංචාරකයන්ට, විශේෂයෙන් යාපනයේ ජීවත්වන ජනතාව දැනට එන්නේ කටුනායක ගුවන් තොටුපොළට. එතන සිට යාපනයට යන්න ගුවන් ගමන් වාර වැඩි කරන්න අපි සැලසුම් කරනවා.
ඒ සඳහා ලංකාවේ ගුවන් ගමන් පිළිබඳ නීති තිබෙනවා. එසේ තිබෙන නීති වෙනස් කරන්න ඕනෑ. දේශීය ගුවන් ගමන්වලට ගැළපෙන පරිදි නීති සකස් කරන්න ඕනෑ.
එසේ කළහොත් අපි විශ්වාස කරනවා ලංකාවේ පෞද්ගලික ගුවන් යානා හිමිකරුවන්ට ඒ සමාගම්වල ගුවන් යානා රට තුළට ගෙන්වා ගන්න පුළුවන්. ඔවුන්ට යම් ලාභයක් උපයා ගන්න ගමන් ජනතාවට රට තුළ සංචාරය කරන්න පුළුවන්.”
පලාලි ගුවන් තොටුපළේ නිරීක්ෂණ චාරිකාවකට එක්වෙමින් අමාත්‍යවරයා මේ බව සදහන් කරයි.
