By unusuma.lk on (LK time)
සිංහල – දෙමළ අලුත් අවුරුද්ද සැමරීමට ගම්බිම් බලා යන ජනතාවට විශේෂ ප්‍රවාහන සේවා ක්‍රියාත්මක කරන බව ප්‍රවාහන බලධාරීන් සදහන් කරයි.
ඒ අනුව එළඹෙන (08) වැනිදා සිට අතිරේක බස් රථ 500ක් යොදා ගන්නා බව ශ්‍රි ලංකා ගමනාගමන මණ්ඩලයේ සභාපති ජීවක ප්‍රසන්න සදහන් කරයි.
විශේෂ ප්‍රවාහන සේවා ලබන (20) වැනිදා දක්වා ක්‍රියාත්මක බවත් කොළඹ, කොටුව මධ්‍යම බස් නැවතුම්පොළේ සිට අතිරේක බස් ගමන් වාර ධාවනයට එක් කරන බවද සභාපතිවරයා සදහන් කරයි.
මේ අතර අලුත් අවුරුද්ද සැමරීමට ගම්බිම් බලා යන ජනතාවට ලබන (10) වැනිදා සිට අතිරේක දුම්රිය ගමන් වාර 40ක් පමණ ධාවනයට එක් කරන බව දුම්රිය දෙපාර්තමේන්තුව සදහන් කරයි.
කොළඹ, කොටුව දුම්රිය ස්ථානයේ සිට බදුල්ල , බෙලිඅත්ත, ත්‍රිකුණාමලය, අනුරාධපුරය ඇතුළු ගමනාන්ත කිහිපයක් සඳහා එම දුම්රිය ගමන් වාර යොදවන බවද එම දෙපාර්තමේන්තුව සදහන් කරයි.
