By unusuma.lk on (LK time)
ශ්‍රී ලංකා ක්‍රිකට් කණ්ඩායම සහ නවසීලන්ත ක්‍රිකට් කණ්ඩායම අතර පැවති පළමු එක්දින තරගය ලකුණු 45කින් ජයග්‍රහණය කිරීමට ශ්‍රී ලංකා කණ්ඩායම සමත් විය.
තරගයේ පළමුවෙන් පන්දුවට පහරදුන් ශ්‍රී ලංකා කණ්ඩායම පන්දුවාර 49යි පන්දු 2ක් අවසානයේ කඩුලු 5ක් දැවී ලකුණු 324ක් ලබාගැනීමට සමත් විය.
අනතුරුව පැය 3කට ආසන්න කාලයක් තරගයට වර්ෂාවෙන් බාධා එල්ල වූ නිසා ශ්‍රී ලංකාව යළි පන්දුවට පහර නොදුන් අතර පන්දුවාර සංඛ්‍යාව අඩුකර පන්දුවට පහරදීමේ අවස්ථාව නවසීලන්ත කණ්ඩායමට ලබාදීමට තරග තීරකවරයා කටයුතු කළේය.
ඒ අනුව තරගයේ ජයග්‍රහණය සදහා නවසීලන්ත කණ්ඩායමට පන්දුවාර 27කදී ඩක්වර්ත් සහ ලුවිස් න්‍යාය අනුව ලකුණු 221ක ඉලක්කයක් හිමිවිය.
අනතුරුව පිළිතුරු ඉනිම ක්‍රීඩා කිරීමට පිටියට පිවිසි නවසීලන්ත කණ්ඩායම නියමිත පන්දුවාර 27 අවසානයේදී කඩුලු 9ක් දැවී රැස්කරගැනීමට හැකි වුයේ ලකුණු 175ක් පමණි.
