06
Jul
ඊයේ (5) දිනයේ ඇතිවූ අධික වර්ෂාව හේතුවෙන් ජාතික ගොඩනැගිලි හා පර්යේෂණ සංවිධානය විසින් කළුතර දිස්ත්‍රික්කයේ ඉංගිරිය, බුලත්සිංහල සහ මතුගම යන ප්‍රාදේශීය ලේකම් කොට්ඨාශ වලටත් රත්නපුර දිස්ත්‍රික්කයේ අයගම, ඇහැලියගොඩ, ඇලපාත, කිරිඇල්ල, කුරුවිට සහ රත්නපුර යන ප්‍රාදේශීය ලේකම් කොට්ඨාශ වලටත් අදියර 1 යටතේ විමසිලිමත්ව සිටින ලෙසට දැනුවත් කිරීම් නිවේදන නිකුත් කර ඇත.
එම නිවේදනයේ වැඩිදුරටත් සඳහන්වනුයේ පසුගිය මාසයේ පැවැති අධික වර්ෂාපතනය හේතුවෙන් කළුතර සහ රත්නපුර දිස්ත්‍රික්කවල භූමියේ ඉරිතලීමට ලක්ව ඇති ඇතැම් ස්ථානයන් හඳුනාගෙන ඇති බවත් එම ස්ථානාවට ජීවත්වන ජනතාව ඒ සම්බන්ධයෙන් දැනුවත් කර ඇති බවත්ය.
කෙසේවෙතත් අද සහ හෙට දිනයන්හි වර්ෂාපතනයේ ක්‍රමික වර්ධනයක් සිදුවුවහොත් ජනතාව වහාම එම ස්ථානවලින් ඉවත් වී ආරක්ෂිත ස්ථාන කරා ළඟා වන ලෙසත් එම නිවේදනයේ දැක්වේ.
